Komîteya Kultur û Hunerî ya PKKyî ewro bi beyanatêkê nuştekî vat: “Kultur, ziwan û yewîya neteweyî ser o însîyatîfê roşnvîr û hunermendan girîngîyêka tayrîxî ya.”

Beyanatî de wina ame vatene: “Vera sîstemê qirkerdişî yo ke Kurdîstan parçe kerdo û teberê statuyêko winasî de yo ke merdim nêeşkeno cira kolonyalîst zî vajo, têkoşînê azadîye yo ke bi berdêlanê pîlan yeno rayraberdene resto qonaxêkê neweyî. Ma prosesêkê winasî de yê ke wereardişê yewîya neteweyî lazimîyêk a.”

'Vera Qirkerdişê Kurdan Merdimî Ganî Bibê Yew’

Beyanatî de ame vatene ke: “Faşîzmo ke qirkerdişê armenîyan, sûryanan, keldanan û rûman ra dima wazeno ke kurdan zî qir bikero bi galanê îşxalkeran erzeno serberzîya merdimîye Rojawanî ser la rastîye êdî do hetê her kesî ra bêra dîyene. Armanc beşêkê kurdan ney pêro Kurdîstan o. Ê yê ke hedef de yê tena kurdî ney pêro şarê na cografya yê. Ser de zî verê çimanê pêro dinya de sucê merdimîye yenê kerdene û yenê dewamkerdene. Vera nê pêro galan, bi hêzê şarê ma yew xoverdayîşêko vilayê her hetê dinya bîyo yeno kerdene. Nê demî de rihê yewîya neteweyî zî hîna geş bîyo û bîyo wezîfeyêko winasî ke merdim nêeşkeno apeyde bierzo.

xoverdayîşo ke şarê ma bi berdêlanê pîlan vera Tayîb Erdogano ke bîyo wayîrê sifetê dîktatorî yê seserre û vera rejîmê qirkerdişî keno, demo ke bi yewîya neteweyî bêro tacîdar kerdene do bêrîkerdişê seserran bêro ca û no xoverdayîş bibo mîjdana azadîye.

'Dêsê Tersî Amey Rijnayene'

Şarê ma dêsê tersî rijnayê. Senî ke şarê ma vano “hewrî çiqas tarî bê zî nêeşkenê verê hêzê vayî de vinderê” şarê ma êdî resto a sewîya ke eşkeno meseleyanê xo bi dîyalogî hal bikero. Her parçeyê Kurdîstanî de tecrubeyê zêdeyî yê têkoşînî û destekewteyan estê. Yewkerdişê nê pêro nirxan do sîyasetê dişmenanê Kurdîstanî parçe bikerê, çin bikerê û pûç bikerê.

'Roşnvîr û Hunermendan Qamêka Tarîxî Eşte

Tam zî prosesêkê winasî de bi bereyîya roşnvîr û hunermendan ê Ewrupa seba yewîya neteweyî bîya gamêka tarîxî. Vayê azadîyo ke do pêro hewranê tarîyan ê faşîzmî vila bikero vayê yewîya neteweyî yo. Roşnvîr û hunermendanê ma bi na gama xo seba yewîya neteweyî berpirsîyarîya pîle girewte xo ser.

'Heta ke Yewîye Bêra Caardene’

Nê prosesê tarîxî de ke şarê Kurdîstanî qederê xo kerdo destê xo û bi berdêlanê pîlan bi azadîye ra rayîr şonê. Ma nê însîyatîfanê yewîya ke bi bereyîya roşnvîr û hunermendan yenê pêardene selam kenê, seba hîsîdarîya înan, înan pîroz kenê û înan rê serkewtiş wazenê.