Komîteya Paştdayîşê bi Keyeyanê Şehîdan a PKKyî bi eşkerayîyêke Roşanê Qurbanî yê keyeyanê şehîdan fîraz kerd. Eşkerayîye wina ya:

''Mabênê ma û şehîdanê ma ne dûr o ne zî kilm o. Ma hema vizêr pîya ciwîyayêne. Ma mîyanê komelê xo de kesayetanê wina fîrazan hele bi hele afernenê. Ma do zêdêr verê xo abikerê. Ma eşkenê vajê ke erjê partîya ma bingeyê xo şehadetanê bi mîlyonan merdiman ra gêna. Şehîdan ra ber qet yew hêz nêeşkeno raştîya bi mîlyonan merdiman temsîl bikero û biaferno.

Vîrameyîşê kesanê ke cuya xo seba armancanê pîlan feda kenê asta tewr pîle ya şorişî anê ca. Coka ganî herinda ke ma înan pê metodanê tradîsyonelan yad bikerê, pê metodanê şorişgêra yad bikerê. Eke fedayîyî seba dewaya xo ganê xo bidê o çax ê benê erjê tewr pîlî û her şertî de yenê fîrazkerdene. 

Bêguman pêşwazîkerdişê şehîdan zaf girîng o. Ma qetî verê şehîdanê xo hêsiran nêrijnenê û ma pê neqehirîyenê zî. Çunke şehîdê ma erjê ma yê tewr pîlî yê cuye yê. Her çiqas bi hawayêkê fîzîkî ê mîyanê ma de nîyê zî pê ruh û fiikrê xo gandar ê. Na partî ya. Rayber Apoyî şehîdî wina ercnayî. Ma şerwanê şehîdan ê. 

Tewr zaf keyeyê şehîdan na raştîye zanenê û temsîl kenê. Ruhê cuya ma şehîdê ma yê. Bêguman dişmen zî na raştîye zaneno û pê metodê barbarî hêrişê şehîdanê ma keno. Ê zî zanenê şehîdî nêmirenê û ma hetî de yê. Nê sebeban ra heta destê înan ra yeno hêrişê gor, name, vîrameyîş û nasnameyanê şehîdanê ma kenê. Tewr peyên Efrîn de no ame kerdene. Desteştişê şehîdanê ma bêgûman tewr zaf keyeyê şehîdan eleqedar keno.

Bi wesîleya Roşanê Qurbanî ma sey Komîteya Paştdayîşê bi Keyeyanê Şehîdan a PKKyî soz danê ke bi her hawayî qesasê şehîdan bigêrê û hesanê nê kerdişan bipersê. Înan dişmen çin kerd û ê bîyî kabusê zerrîya dişmenan. Dişmen ruhê înan ra terseno. 

Ê welatêkê azadî de ciwîyenê. Ê mîyanê xeyalan de ciwîyenê. Ê xeyalanê ma kenê gandar û her roje sozê ma dibare kenê. Nê esasî ser ma hem sey keyeyanê şehîdan hem zî sey embazanê înan soz danê ke do dest û tewiranê vera şehîdan bişiknê û bifatisnê. Tewirê ma no yo û naye ra ber vateyêk nêno vatene. Bi na wesîle ma roşanê pêro keyeyanê şehîdan fîraz kenê û vanê bimiro faşîzmî û her kerdişê vera merdimîye.''