Gerîlayanê HPGyî Rêzan Zîlan, Kendal Azad ve Rojhat Norşîn derheqê Komployê 9ê Teşrîna Verêne yo ke 1998 de vera Rayberê Şarê Kurdî Abdullah Ocalanî ame kerdene, ANFyî rê qisey kerd.

Şervanê HPGyî Rêzan Zîlan: Komplo şexsê Rayberîye de vera şarê kurdî û şaranê bindestan ame kerdene. Bi nê komployî ame waştene ke Rayber Apo bi fîzîkî bêro îmhakerdene û têgêrayîşê  ma bêro zehîfkerdene. La Rayberîye destûrê ci nêda û komplo betal kerd. Ma sey gerîlayanê azadîye, mîlîtananê Rayber Apoyî hêzê xo Rayberîye ra genê, têkoşînê ey yê Îmraliyî ma rê nimûne yo. Şertî senî zehmet benê wa bibê ma bi tewirê têkoşînê Rayber Apoyî eşkenê ser bikewê. Ma têkoşînî Rayber Apoyî ra musayî. Peynîya nê têkoşînî de roşn eseno û ma zî do peyê na roşnî de şirê. Ma do bi têkoşînê xo koplokaran ra hesab bipersê.

Şervanê HPGyî Kendal Azad: Rayberîye bi têkoşînê xo waşt rayîrê ciwanan roşn bikero dewletê hegemonîkî wazenê ciwanî tarî de bimanê. Coka vera Rayberîye komplo ame kerdene. La waştişê înan nêame caardene. Rayberîye komplo betal kerd. Çîyo muhîm oyo ke Rayber Apo hetê fîzîkî ra bibo azad. Semedê nê zî ma do têkoşînê xo girdêr bikerê. Xeylêk welatan sey Afrîka û Hindistanî bi têkoşînî rayber û şarê xo kerdî azad. Ma zî eşkenê azadîya fîzîkîye ya Rayber Apoyî bîyarê ca.

Şervanê HPGyî Rojhat Norşîn: Hêzanê komplokaran waşt bi esîrgirewtişê Rayber Apoyî destkewteyanê şarê kurdî  çîn bikerê. La waştişê înan nêame caardene. Ewro PKK hema payra yo û her roje xurtêr beno. Kayê komplokaran çend gird benê wa bibê ne PKK ne zî şarê ma bin keno. Ma zî do heta azadîya fîzîkîye ya Rayber Apoyî bêro caardene do têkoşînî bi xurtkerdişî rayra berê.