Dîwanê Hemserekîya KONGRA-GELî  derheqê Komployê Mîyanneteweyî yê vera Rayberê Şarê Kurdî Abdullah Ocalanî de eşkerayîya nuştekîye daye û nê pare kerdî:

''Ma serrgêra 22. ya komployî de heme hêzanê komplokaran bi tewirê wişkî şermezar kenê. Ma şexsê embaz şehîd Halîl Oralî de heme şehîdanê ne fedayîyan bihurmet yad kenê.

Serkêşîya Birîtanya de tay welatanê Ewropa Şerê Dinya yê 1. de Kurdîstan kerd lete, bêstatu verda û teslîmê çar dewletan kerd. Şarê Kurdîstanî semedê  azadîya xo xeylêk rey vera îşxalkeran sere wedarit la welatanê Ewropa nêwaşt ke no statu bêro bedilnayene. Her tim vera waştişê kurdan înan paştî daye Tirkîya. Vera dewletanê kapîtalîst û emperyalîstan serkêşîya Rayber Apoyî de şarê kurdî xo rêxistin kerd û ablûqaya qirkerdişî şikit  û Rojhelatê Mîyannenî de dengeyêko newe na ro.

Coka Rayber Apo bi hedefê înan. Hêzanê koplokeran waşt ke pê esîrgirewtişê Rayber Apoyî Têgêrayîşê Azadîye çîn bikerê. La Rayber Apoyî pê xoverdayîşê xo no kompo pûç vet û Paradîgmaya Azadîye her hetê dinya ra vila kerd. Gereka şarê kurdî û dostê ci nayî hole fehm bikerê. Komplo hema nêqedîyo.  Coka sîstemê faşîzmî yê dewleta tirke zî mîyanê krîz û kaosê xorî de yo. Seba ke tay  mendo vînî bikerê pê heme hêzê xo hêriş kenî. No proses, prosesê  binkewtişê rejîmê dewleta tirke yo. Eke şarê kurdî û dostê ci bi tewirê raştî xo rêxistin bikerê û pê ruhê serkewtişî bibê seferber, ma eşkenê Rayber Apoyî şarê xo azad bikerê. Aye ra Têgêrayîşê Azadîye yê ma Hemleya ''Wextê  Azadîye'' daye desptêkerdene. Na hemle prosesî rê cewabêk o. Bi na wesîle ma xoverdayîşê zîndanan selam kenê. Reyna ma çalakîyan semedê azadîya Rayber Apoyî yê çar leteyanê Kurdîstanî û teberê welatî selam kenê.

Semedê çalakîyanê ke do mabênê 1 û 15ê sibate de bêrê kerdene planêko zengîn yeno kerdene. Îmzayê ke semedê azadîya Rayber Apoyî ameyî arêdayene do Neteweyê Yewbîyayeyan rê bêrê şawitene. Tewrbîyayîşê çalakîyan ê cayî zaf muhîm ê. Na çerçewe de wa her kes xo sey berpîrsîyar vîno û tewrê çalakîyan bibo.  Nê prosesê stratejîkî de têkoşînê ma yê vera komployî do azadîya Rayber Apoyî û rewşa şaranê Kurdîstan û Rojhelatê Mîyanênî bewlî bikero. Naye ra gereka her kes semedê azadîya Raber Apoyî bigurîyo. Azadîya Rayber Apoyî azadîya Kurdîstan û Rojhelatê Mîyanênî ya. Serra têkoşînê ma yê vera komployî yê 23. de ma şarê kurdî û dostanê  xo rê serkewtiş wazenê.''