Dîwanê Hemserekîye yê KONGRA-GELî Serrgêra 41. a Ronayîşê PKKyî ya Rayberê Şarê Kurdî Abdullah Ocalanî, şarê kurdî, merdimîya averwaze fîraz kerde û şehîdê azadîye yad kerdî.

Beyanatê KONGRA-GELî wina yo:

"Berhemê Rayber Apoyî yo tewr pîl PKK yo. Tarîxê şarê Kurdîstanî de averşîyayîşo tewr pîl, cuya şarê Kurdîstanîde zî vurnayîşo tewr pîl bi ronayîşê PKKyî ameyî ca. PKK şorişê cinîyan o. Paradîgmaya Rayber Apoyî ya ekolojîke, demokratîke ya ke bingeyê ci azadîya şorişê cinîyan o ewro seba pêro cinîyanê dinya û merdimîya averwaze bîye hêvîya cuya azade. Naye ra zî ma pêro şehîdanê cinîyan bi mînetdarî yad kenê. Dewleta Tirke ya îşxalkere bi hêrişanê şarê Kurdîstanî wazena ke emrê îqtîdarê xo derg bika. Wazena destkewteyanê şarê Kurdîstanî çin bika. Nê esasî ser o hêrişê Rojawanî kerd. Naye ra ganî ma sey şarê Kurdîstanî, partîyanê sîyasîyan, roşnvîran û rêxistinanê medenîyan vera hêrişanê Dewleta Tirke ya faşîste û îşxalkere vinderê, pîya têkoşîn bikê û wayîrê Rojawanî bivejîyê. Nê esasî ser o ma Serrgêra 41. a Ronayîşê PKKyî ya şarê Kurdîstanî û yê dostanê kurdan reyna fîraz kenê. Têkoşînê serra 42î de seba çinkerdişê îşxalan ma veng danê ke Kurdîstan û teberê welatî têkoşînê xo geş bikê."