Rêxistina Amedî ya Partîya Hêrêman ê Demokratîkan (DBP) bi şîara ''Ma bi ruhê yewîya neteweyîye ver bi komelê azadî şinê'' kongreya xo ya 5. ya îstînayîye kerde.

Kongre Merkezê Demîrokî yê qezaya Baglarî de ameye kerdene û Hemsereka Kongreya Komelê Demokratîkî (KCD) Leyla Gucen, Hemsereka Pêroyî ya Partîya Herêman ê Demokratîkan (DBP) Salîha Aydenîz, parlamenter û endamê HDPyî, aktîvîstê Têgêrayîşê Cinîyan ê Azadan (TJA), temsîlkarê partîyanê sîyasîyan, rêxistinê komelkî yê sivîlî û zaf roniştoxî tewrê kongre bîyî.

Hemserekê DBPyî yê Amedî Garîp Kandemîrî kongre de qisey kerd û Komployo Mîyanneteweyî yê vera Rayberê Şarê Kurdî Abdullah Ocalanî şermezar kerd. Kandemîrî îfade kerd ke sîstemê tecrîdî Rojhelatê Mîyanênî de verê kaosî akeno.

Hemsereka KCDyî Leyla Guven bi şermezarkerdişê Komployê Mîyanneteweyî dest pê qiseykerdişê xo kerd û ard ziwan ke komplo têna vera Ocalanî ney vera pêro şaran ame kerdene.

Guvene vat: ''Armancê ma yo verên ganî yewîya neteweyîye bibo. Bi ruhê yewîye ganî ma kom bibê. No kar karêko fîraz o ke ganî ma pîya bikerê.

Hemsereka Pêroyî ya DBPyî Salîha Aydenîz vist vîrî ke tecrîd 21 serr ê ke dewam keno û vat: ''Bi huqûqê şerî waştêne ke Tirkîya bi faşîzmî îdare bikerê. Herêma Kurdîstanî de tecrîd kenê. Şexsê Ocalanî de şarê Rojhelatê Mîyanênî yeno tecrîdkerdene. Ganî ma pîya vera tecrîdî wurzê payan ser.

Ganî ma menfaatanê xo şaran bifikîrê. Têna têna bi hêzê xo ney, bi hêzanê dewletanê bînan zî hêrişê kurdan kena. Ganî kurdî bibê yew.''

Kongre de Sevale Gulmez û Mehmet Bakir seba hemserekîya DBPyî ya Amedî ameyî weçînayene.