Demo ke hêrişê îşxalî yê dewleta tirke vera Başûr û Rojawanê Kurdîstanî yenê domnayene de PDK zî sînorê Rojawan de qereqol û nuqtayanê çimdarîye înşa keno.

PDKyî na aşma peyêne de hîrgoşê sînorê Rojawan-Vakur-Başûrî de ra heta sînorê Şîngalî sînorê Rajawan-Başûrî de qereqol û nuqtayanê neweyan yê çimdarî înşa keno û tay herêman de zî hendekan keneno. Demo ke dewleta tirke Başrûrê Kurdîstanî de sere de Heftanîn vera Herêmanê Pawitişî yê Medya hêrişê îşxalî kena, PDK sînorê Rojawano ke semedê ci qet tehlukeyê ci çîn o de qereqolan înşa keno. No zî beno sebenê persan. Serekê Hukmatê Herêma Kurdîstanî Nêçirvan Barzanî 4ê êlule de Anqara zîyaret kerd. Badê naye sey hemwaxtî têgêrayîşê sînîrî têgêrayîşê hewayî yê Tirkîya dest pêkerd.

PDKyî seranserê sînorî de nuqtayê leşkerî nayî ro û xelêk peşmergeyî sewqê herême kerdî. Qereqolê wextê Sadam Huseyînî hetê pêşmergeyan ra yenê newekerdene û tay cayan de hendekî yenê kenayene. Goreyê zanayîşanê ke herême ra ameyî girewtene nê rojanê peyênan de têgêrayîşê sînorî zêdîya. Gama ke dewleta tirke vera Başûrê Kurdîstanî hêrişê îşxalî kena, têgêrayîşê PDKyî yê sînorî beno sebebê şikan. Badê zîyaretê Nêçirvan Barzanî yê Tirkîya û tehdîtanê PDKyî yê vera Şingalî dewleta tirke vera Şinaglî hêrişê hewayî kerdbi. Çapemenîya PDKyî rojanê peyênan de vera Şingalî startê propagandaya sîyaye dayo ke paştdayîşê hêzanê mîyanneteweyî dest bîfîno. Qewimîyayîşê herême benê sebebê persê Tirkîya û PDK wazenê pîya konsepte hêrişê vera Rojawan û Şinganî bifînê dewre?