Koyê Gabarî ke mabênê merkezê bajarî û qezaya Cizîre de yo 10 rojî yo bêmabên şewat dewam keno. Şewato ke badê operasyonê dewleta tirke dest pêkerd seba ke ci rê mudaxale nîno kerdene hîra beno.

Leşkerê tirkî de nêverdenê ke şewatî rê mudaxale bêro kerdene. Seba ke semedê hewnakerdişê şewatî çîyêk nîno kerdene şewat perano herêmanê bînan û çend şino vila beno. Bi hezaran darî, xeylêk bexçe û hêgayî veşajî bîyî wele.

Şewato ke 10 rojî verê cu waranê Deriyê Gabar, Deşta Dêrşew, Qernê, Bîrava û Memîrûka dest pêkerd pera dima ra pera bajarekê Findikî yê qezaya Basanî û dewa Zivingî ya merkezê Şirnexî. Kilaya şewatî ewro resaye bejahîya dewa Bagpinarî ya merkezê bajarî û herêma Berkeverî.