Herêma Serhedî ya Vakurê Kurdîstanî de tesîrê varayîşê vewre û pukî dewam keno. Varayîşê vewre ra Wan de 765 rayîrî, Colemêrg de 326 rayîrî, Mûş de 316 rayîrî, Erzerom de hezar û 129 rayîrî, Îdir de 20 rayîrî, Agirî de 293 rayîrî û Qers de 88 rayîrî qefilîyayî. 

Wan de hîşyarîya vewrêsî 

Varayîşê vewre ra şaristananê Tuşba, Miks, Payîzava, Begir, Şax, Artêmetan û Qelqelîya yê Wanî de rayîrê taxan qefilîyayî. Şaristan de rîyê hewayî ra resnayîş de astengî yenê meydan. Perayîşê teyarayan ê seba Wanî zî ameyî batalkerdene. Meteorolojîyî hîşyarîye kerde ke herême de rîskê vewrêsî esto û ganî hemwelatîyî bitebdîrî têbigêrê. 

 Walîtîya Wanî zî pare kerd ke varayîşê vewre ra dibistanî do rojêke (roja dişemeyî) mabênê perwerdeyî  bidê. Roja dişemeyî karmendê diganî û astengdarî zî do îzîn bikerê.