Serdar Staro ke 27 gerîlayê ke serra 1996ê de koyanê Kurdistanî ra verê xo da Şamî, nînan ra yew o vîrardişê xo yê bi Rayberê Şarê Kurdî Ocalanî ekîbê ma dir pare kerdî. Serdarî vat ke vînayîşê Rayberîye ke heyecan û moral dano înan seba înan tim ganî yo.

Starî nê vatî: ‘‘Xora vînayîşê Rayberîye seba heme embazan hesretêko gird bi. Coka mi xo zaf bişans dîyêne. Têgêrayîşê PKKyî Rayberîye û şehîdan ra yeno ra. Ma bi şehîdan tayî bo zî mendî. La vînayîşê Rayberîye seba ma qezencêko cîya yo. Kam beno wa bibo o ke cayê Rayberîye de mendo xo de bedilyayîş hîs kerdêne. Kesîya ey reng qezenc kerdêne. Xora no seba mi zî wina bi. Dimayo ke mi Rayberîye dî, mi hîna hole fam kerd ke dinayaya ey zaf gird a û resayîşê aye zehmet o.‘‘

Starî bale ante terz û uslûbê Rayberê Şarê Kurdî Ocalanî ser û va: ‘‘Her çî de mehneyêk bibi û xorî bi. Ge-ge ewnîyayîşê ey ya zî hereketêk ey de zaf çî bibî. Perwerdeyê Rayberîye tena teorî nêbî. Xora heme cuya ey seba ma perwerde bi. Coka her gama ey seba me dersêk bî. Çunke o Rayberêko tarîxî yo. Kesîya tarîxî ya. Heme çîyê rindî tede yê. Hîsê tewr xorîyî ey de vejîyenê. Rayberîye qet perwerdeyî de vatişê xo digark nêkerdêne. Ey xo tim newe kerdêne û çîyê neweyî dayêne ma.‘‘

Serdar Starî vat ke vateyo peyên o ke gama ke ma xatir waştêne mi ra va, mi qet xo vîra nêkerd û ez tim o vateyî ser a rayîrê xo rê dewam kena û qiseykerdişê xo bi nê vatişan qedîna: ‘‘Gama ke ma xatir waştêne Rayberîye yew bi yew virar şi heme embazan ra. Tewr peynî de wexto ke mi ra xatir waşt va ‘Kurdistan ca meverdêne bes o‘ welatê xo ra meremêne….

Ez eşkena vajî ke mi  hêzê esasî yê mucadeleyî xo  naye ra girewt. Ez do bi xîyalê koyanê azadî yê Kurdistanî de reyna vînayîşê Rayberîye welatê xo ca meverdî û xoverdayîşê xo gird bikerî.‘‘