Polîsanê tirkan qezaya Kayapinarî yê Amedî de eşt keyeyê Faris Turkî ser, ber şikit û pê kutikanê xo hêrişê endamê keyeyî kerd.

Taxa Dîclekentî ya qezaya Peyasî ya Amedî de polîsanê tirkan saete 05:00 de berê keyeyî şikit û pê kutikanê xo hêrişê endamanê keyeyî kerd. Polîsanê ke kutikî verdayî endamanê keyeyî ser, Faris û cinîya ci rê îşkence kerd. Roniştoxê bîna bi vengê kutikan û qîrayîşanê 2 domananê Turkî şîyar bîyî.

Polîsan dima ke keye serûbin kerd Faris Turk destbend kerd. Polîsan dest na tay kitaban ser û Turk berd Şubeyê TEMî yê Mudirîya Polîsan a Amedî.

Yeno vatene ke polîsan şaristan de eşt xeylêk keyeyan ser û zaf kesî destbend kerdî.

Polîsan 26ê hezîrane de zî eştbi keyeyê aktîvîsta TJA Sevîle Rojbîn Çetîn ser û pê kutikan hêrişê ci kerdbi û ci rê îşkence kerdbi.