Artêşa Iraqî vizêr cemê şanî kerdbi ke dest nûqtayanê Asayîşê Êzidxanî yê Dugirê sera no, naye ser o pêkewtişî dest pêkerdbi. Badê nê pêkewtişî artêşa Iraqî hêrişê nûqtayanê asayîşî yê Sinune, Şingal û Xanesorî kerdbi.

Artêşa Iraqî şewe saete 02:00 de hêrişê nûqtaya kontrolî ya Asayîşê Êzidxanî yê Cidalê ya ke Tilizer de ya, kerd. Netîceya cewabdayîşê hêzanê Asayîşî de pêkewtiş qewimîya. Badê nê pêkewtişî artêşa Iraqî hêrişê nûqtayanê YBŞ, YJŞyî yê ke mabênê Gelîyê Şîlo û Şîkênîye de kerd. Pêkewtişî dewam kenê. Goreyê zanayîşanê ke ameyî girewtene artêşa Iraqî Şingal û heme waranê ke binê kontrolê YBŞ-YJŞyî de yê rê sewqîyatê leşkerî keno. Amadekarîya hêrişê pîlî yena kerdene.

Baldaro ke hêrişê artêşa Iraqî yê vera Şingalî raştê wextê hêrişê îşxalî yê dewleta tirke yê vera Herêmanê Pawitişî yê Medya ame.