Dewa Awyanî ya bajarekê Bajêrgehî ya qezaya Geverî ya Colemêrgî de leşkeranê tirkan vizêr şan saete 18:30 de serê sînorî de guleyî varnayî û Alî Derelîyo 63 kişt. Dewijê ke waşt cenaza bigêrê ameyî astengkerdene. Coka cenazaya Derelîyî 6 saetan erd de mend û dima  seba otopsî wedarîyaye Nêweşxaneyê Dewlete yê Colemêrgî. Ame parekerdene ke Derelî paştîya xo ra guleyî werdî û coka dinyaya xo bedilnaye.

Merdimanê Derelîyî wina vat: ''Cenaza 6 saetan erd de mend. Coka alozîye vejîyaye û leşkera gazê îsotî eşt ma ser.''

Cenaza dewe de ameye definkerdene.

Dîya zanayene ke birayê Derelîyî Abdulhalît Derelîyo 19 serre zî serra 1983î de hetê leşkeran ê tirkan ra amebi qetilkerdene.