Licê de vizêr operasyono leşkerî dîyabi destpêkerdene û leşkeran dewê Dêrxust, Huseynîg, Cinezûr û Mişirfî yê Licê girewtbî binê ablûqa.

Dima ke operasyono leşkerî qedîya ablûqa zî ameye wedaritene.  
Wextê ablûqaya leşkeranê tirkan de dekewtiş û vejîyayîşê xeylêk taxan amebi qedexekerdene û leşkeran dewijan rê gefê kiştişî wendbi. Hemwelatîyê bi nameyê Mehmet Şah Bozkuşî (60) pê îşkence cinîya xo Azîze Bozkuş reyde ame destbendkerdene. Azîze dima vera dîyabî la Mehmet Şah Bozkuş amebi tepiştene.

Rixmo ke Licê de ablûqa wedarîyaye têgêrayîşê helîkopteran dewam keno û qeza de wesayîtê sivîlî yê leşkeran gêrenê. Herême pê wesayîtanê hewayî yê bêmerdiman yena teqîbkerdene.

Dima ke eşkera bi ke Licê de hemwelatîyî maruzê îşkence bîyî twitter de tagê 'Licê de îşkence esto' ame akerdene. Medyaya dîjîtale de ame parekerdene ke wextê sereştişê keyeyê Bozkuşî de leşkeran keye serûbin kerdo û ber zî şikito.

Walîtîya Amedî îşkence û teda pê eşkerayîyêke înkar kerdî.