Licê de vizêr operasyono leşkerî dîya destpêkerdene û leşkeran dewê Dêrxust, Huseynîg, Cinezûr û Mişirfî yê Licê girewtî binê ablûqa. Leşkeranê dewleta tirke ya îşxalkere dewijê bi nameyê Azîze Bozkuş û mêrdeyê ci Mehmet Şah Bozkuşo ke nêweşê qelbî yo, pê îşkenceyî destbend kerdî.

Azîze dima vera dîyaye la Mehmet Şah Bozkuş hetê Mehkemeya Cezaya Sulhe ya Licê ra bi îdîaya 'endamîya rêxistine' ame tepiştene.

Hetê bînî ra dîya zanayene ke qeza de dekewtiş û vejîyayîşê tay taxan qedexe yo û ablûqaya leşkeran dewam kena.