Dewleta tirke dewanê Dêrxust, Huseynîg, Cinezûr û Mişirfî yê Licê de 9ê çeleyî  de operasyon dabi destpêkerdene. Dekewtiş û vejîyayîşê dewan ameybî qedxekerdene û leşkeranê tirkî eştbi   keyeyan ser û xeylêk kesî destbend kerdbî.

9ê çeleyî ra nata sereştişan de xeylêk kesî ameyî tepiştene.Verî dewa Mişirfî ra Mehmet Şah Bozkuşî bi îdîaya 'endamîya rêxistine' tepişîyabî. Dima ra dewa Dêrxustî de Siddik Ozkan (63), Ferhat Ozkan û Omer Yildirim û 2ê înan qezaya Hezroyî ra 4 kesî ke nameyî nêameyî zanayene, ameyî destbendkerdene. Nê 7 kesî bi roja îne pê îfadeyê şahîdê mîyanî bi îdîaya 'endamîya rêxistine' ameyî tepiştene.

Goreyê çimeyanê cayîyan operasyono leşkerî dewam keno û yewîyê leşkeran dahîna zaf pê wesayîtanê sîvîlan gêrenê. Reyna ame vatene ke roja yewşeme saetanê şanî de taxa Hezanî de sewqîyato leşkerî ame kerdene. Eynî herême de dewa Kewesî de têgêrayîşo leşkerî eso.