Kongreya Komelê Demokratîkî (KCD), Partîya Demokratîke ya Şaran (HDP), Partîya Herêman ê Demokratîkan (DBP) û Têgêrayîşê Cinîyan ê Azadan (TJA) vera operasyonê qirkerdişê sîyasîyî dest pê xeta têkoşînî ya newî kerde.

Derheqê têkoşînê ke bi şîarê ''Ma bibê yew, tecrîdî bişiknê û bibê azad'' de Amed de  bi tewrbîyayîşê îdarekaranê KCD, HDP, DBP û TJA û eşkerayîyêka hempare ameye dayene.

Eşkerayîye de ame vatene: ''Îqtîdarê AKP-MHPyî vera kurdan û hêzanê demokrasî polîtîkaya hêrişkare rayra beno. Zere û teber de bi şer û şîdetî faşîzmê xo beno dîyar. Îşkence de sînor nas nêkene, helikopterî ra wareştişî ra heta mabênê kuçeyî de mirênayîş îşkenceyê zaf hetin kenê. Her roje zîndanan ra metîyê tepişteyanê nêweşan vejîyenê û zîndanî bi sîyasetmedar, rojnameger û roşnvîran benê de. Tecrîdê vera birêz Ocalanî Tirkîya zafêr fîneno tengayî. Têkoşînê vera tecrîdî têna karê kurdan nê yê heme hetano ke semedê komelî berpirsîyarîya ci esta.

Ma tîya ra semedê wediratişê tecrîdê vera birêz Ocalanî veng danê. Ma şarê Kurdîstanî ganî bi ruhê yewîya neteweyîye verê nê hêrişan bigerê û tarîxî newe ra binusê. Semedê na berpirsîyarîya tarîxî ma veng danê şaranê Kurdîstanî û vanê ke wext wextê  înşakerdişê vera faşîzmî demokrasîyî, vera şerî haştîye û vera tecrîdî azadîye yo. Ma wexto tarî zilmat de yê la roşnayî ra zaf nidîyê. Ma do pîya bi şarê de heta perçekerdişê sîstemê faşîstî bêmabên têkoşîn bikerê.''