Gerîlayanê enternasyonalîstan Andok Gabaro ke alman o û Rênas Cûdîyo ke ereb o derheqê amadekarîyanê wextê neweyî de ANFyî rê qisey kerd.

Andok Gabarî ard ziwan ke verê hêrişanê dewleta tirke de ê bi hawayêkê bêmabênî xo amade kenê û vat: ''Dewleta tirke bi destekê Almanya û NATOyî çekê kîmyewî û nuklerî hêrînayî. Vera faşîzmê dewlete û hêrişanê ci serra 2023yî de embazanê ma xoverdayîşêko bêhempa kerd. Ma bi hişmendî û bawerîyêka pîle xo ver danê. Serra 2024î de ma do astêka serkewtişî ya newîye bivisnê destî. Ez venga pêro almanan dana ke vajê 'Ma tarîxî ra derse girewte' û vera sûcanê ke şarê kurdî rê yenê kerdene tewirê xo bimojnê.''

Gerîlayê HPGyî Rênas Cûdîyî îfade kerd ke xeylêk hetan ra ê amadekarîyanê xo kenê û vat: ''Şerê tunelan de ma tecrubeyêko hol vist destî. Wextê verê ma de ma do çalakîyanê hîna xurtan bikerê. Dewleta tirke ya îşxalkere bi çekanê qedexekerdeyan hêriş kena. Ma do bi amadekarîyanê xo nê hêrişan çin bikerê. Ma do xoverdayîşê embazanê xo ser bivisnê.''