KCK’yî Huseyîn Poyraz, Nîhat Ayaz û Ahmet Kiliç ê ke şehîd kewtê bi hurmet yad kerdî. KCK’yî vat, “Ma sozê xo dubere kenê ke ma do hesreta înan û ya heme şehîdan, Kurdistano Azad, Tirkîya û Rojakewtena Mîyanên a Demokratike awan bikerê.”
Hemserekîya Konseya Rayberdişî ya KCK’yî Huseyîn Poyraz, Nîhat Ayaz û Ahmet Kiliç yê ke 6’ê Çele de şehîd kewîbî, bi hurmet yad kerdî ke
Eşkerayîya KCK’yî ra tayî cayî wina yê:
“Hemra Rûbero ke teba keyeyê xo serra 1976 ra nata mîyanê têkoşîn de yo, serra 1979 de bi hawayêkê profesyonelî tewrê refê şorişî bi. Hemra Rûbar tarîxê têkoşînî de pawitoxê xeta Rayber Apoyî û xeta PKK’yî de vera heme tasfîyeyan têkoşîn kerd.
Hemra Rûbar zî hemleya amadekarîya gerîlayan a 15’ê Temmuza 1984’î de cayê girewtibi û Botan de gerîlayîye kerde. Çeleya 1984’î de bi birîndar û esîr kewt. Hepisxane de zî xeta xo ya xoverdayîşî dewam kerde. Dimayo ke hepisxaneyî ra vejîya, reyna verê xo da koyanê Kurdistanî û xeylî wereyanê Kurdistanî de xebitîya.
Hemra Xelîl zî serra 1979 de partîye nas kerde û serra 1986 de tewrê mîyanê Têgêrayîşê Azadîye bi. Hemra Xelîl hem koyan de û hem zî her wareyê têkoşînê ma de sey hevalêk fedakar yeno naskerdene. Serê xeta partîye de bi tewirê cîdî tewrê xebatan bi. Têkoşînê xo de her dem girêdayîyê Rayber Apoyî mend û bawerîya ci ya bi cuya azade û demokratîke xurt bîye.
Hemra Mûrat zî serra 1999 de tewrê refê gerîlayan bi û Ewropa ra verê xo da koyanê Kurdistanî. Bi moral û coşo ke resto koyan, tewrê mîyanê xebatan bi.
Şehadetê nê hîrê hemrayanê ma seba têkoşînê ma vîndîbîyayîya gird a. Kede û têkoşînê nê hemrayanê ma her dem hêzêko gird do bido têkoşînê ma. Ma sozê xo dubere kenê ke ma do hesreta hemrayanê xo Rûbar, Xelîl û Mûratî û ya heme şehîdanê ma ya Kurdistano Azad, Tirkîya û Rojakewtena Mîyanên a Demokratike awan bikerê.’’
