Gerîlayanê HPGyî û YJA-Starî yê ke hemleya 'Cengê Heftanînî' de vera îşxalê dewleta tirke xo ver danê qala hemele kerde.

Gerîlaya YJA-Starî Azê Erdal vat: ''Erdê ma sey dadî yo, naye ra ma do qet nêverdê ke dişmenî erdê ma de ca bigêrê. Dişmenî nika operayonê 'Pençe 3' kenê. Dişmenan nê operasyonî de derbê pîlî werdî û ma zî heta nika çalakîya xo dewam kenê. Cengê Heftanînî de binkewtişê dişmenî zaf ê. Seba şiknayîşê nê îşxalan çi destê ma ra bêro ma do bikerê û erdê xo bipawê. Oyo ke ruh, can, hêz dano ma erdê ma yo. Heta ke dişmenî erdê ma rê nêvejîyê ma do nêvinderê û şerê xo bikerê.''

Gerîlaya bi nameyê Solîne Karayzi vat: ''Ma do seba qesasê şehîdanê xo şer bikerê û cewab bidê dişmenan. Ma sey gerîlayanê Cengê Heftanînî  de ca gênê. Operasyon û hêrişê dişmenan dewam kenê. La cewabê nînan yeno dayene. Wa dişmenî hol bizanê ke ma mîyanê pençe de înan bifetisnê. Ma do erdê Kurdîstanî înan rê bikerê goristan. Ma bi ruhê embaze Çîçeke têkoşînê xo bikerê.''

Gerîlayê HPGyî Mazlum Azadî vat: ''Dişmenî bi operasyonanê xo wazenê erdê ma îşxal bikerê. Ma sey gerîlayanê Heftanînî nêverdê dişmenî vaer şorê. Sey mîlîtananê Rayber Apoyî ma tecrîdê ci qet qebul nêkenê û ma do vera ney têkoşînê xo xurtêr bikerê. Ma do nêverdê ke dişmenî erdê ma de ca bigêrê. Sey mîlîtananê Rayber Apoyî ma do pêro berpirsîyarîya xo bîyarê ca.''