Platformê Paştdayîş û Pawitişê Şaristanî Amed de bi beşdarîya 82 rêxistinanê komelê sivîlî ronîyabi. Endamê Heyetê Koordînasyonê Şaristanî yê Amedî yê Odaya Muhendîs û Mîmaran a Tirkîya (TMMOB) Samet Ucaman û Têgêrayîşê Ekolojî yê Mezopotamya ra Murat Bîlgîçî derheqê karanê platformî de ANFyî rê qisey kerd.

Samet Ucamanî dîyar kerd ke 6 serrî yo meseleyê şaristanî giranêr bîyê û şaristanî rê polîtîkayê needîlî yenê caardene. Ucamanî vat: ''Kêmanî û nêbîyayîşê sîstemê tramvay û noqtayanê lojîstîkan benê sebebê meseleyanê cidîyan. Seba ke ma nê meseleyan çareser bikerê platformê xo awan kerd. Ma do bi hawayêkê komelê sivîlî têbigêrê, heqanê xo yê demokratîkan bişuxilnê. Ma wazenê erjanê bîngeyînan ê demokrasî, haştîye û aramîya stratejîke, stratejîyanê bingeyînan bîyarê ca.

Ma do bi eqlêkê hemparî têbigêrê ke çimeyanê şaristanî bi tesîrî, bi têdûştî bişuxilnê, şaşîyan wedarnê, vera narkotîkî têkoşîn bikerê. Ma do bikerê ke doman, ciwan û astengdarî zî tewrê cuye bibê. Pawitişê şaristanî do bibo armancê ma yo esas.''

Têgêrayîşê Ekolojî yê Mezopotamya ra Murat Bîlgîçî zî derheqê armancanê platfromî de wina vat: ''Armancê ma yo esas pawitiş û paştdayîşê şaristanî yo. Ma wazenê meseleyanê ekonomîk, kulturel û ekolojîkan ê şaristannî pîya çareser bikerê. Coka ma do pêro dezgehanê komelê sivîlî tewrê platformî bikerê.  Sere de şuxilnayîşê madeyanê tîryakî (narkotîk) ma do vera pêro meseleyanê şaristanî bixebitê. Ma bi nê perspektîfî no platfrom na ro.''