Merkezê Îrtîbatî û Çapemenîye yê HPGyî derheqê şehadetê di gerîlayan de beyanatêko nuştekî weşana.

Beyanatê HPGyî wina yo:

"Roja 4ê teşrîna verêne de Qezaya Pilemûrîye ya Dêrsimî de mabênê hêzanê ma û Artêşa TCyî ya îşxalkere de şer vejîya. Şerî de zaf leşkerê dişmenî merdî û birîndar bîyî. Nê şerî de Fermandara Warê Dêrsimî û heman wextî de Endama Konseya Fermandarîya YJA-Starî û Komîteya Merkezî ya PKKyî Çîçeke Botan û embaz Dilgeş Botan heta guleyê xo yê peyên şer kerd û şehîd bîyî. Sere de keyeyanê embazenê ma yê ercayeyan rê ma pêro şarê xo yê welatperwerî rê serweşîye wazenê. Ma sond wanenê ke ma do vîrameyîşê şehîdan bi serkewtişî tacîdar bikê.

Nasnameyê embazanê ma yê şehîdan wina yê;

Nameyê Qodî: Çîçeke Botan Name û Peyname: Hacere Kaya Cayê Bîyayîşî: Êlih Maye-Pî: Hayfe – Abdullah Tarîx û Cayê Şehadetî: 4ê Teşrîna Verêna 2019î / Dêrsim   Nameyê Qodî: Dilgeş Botan Name û Peyname: Mehdî Kaplan Cayê Bîyayîşî: Colemêrg Maye-Pî: Saîme – Mûhsîn Tarîx û Cayê Şehadetî: 4ê Teşrîna Verêna 2019î / Dêrsim

Embaza ma Çîçeke Botan qezaya Beşîrî ya Elîhî ra ya. Serra 1991î de tewrê gerîlayan bîye. Embaze Çîçeke Botan cuya xo ya têkoşînî ya 28 serre de sere de Botanî de zaf cayanê Herêmanê Pawitişî yê Medya de Fermandarîya Birregehê Merkezî de bi wezîfe û berpirsîyarîye têgêraye. Fermandarbîyayîşê cinîye de geşbîyayîşê taktîk û şerî bîye wayîrê tewirêkê biîdîa û performansêkê serkewteyî. Bi tecrubeyanê xo mabênê 2011-2012î de Xakurke de fermandarîye kerde. Embaza ma ya Çîçeke bi tewirê xo yê şorişgêrî bîye milîtane û fermandara raybere û tarîxê ma yê têkoşînî ser o rêçê xo verda.

Embaz ma Dilgeş Botan Colemêrgî de mîyanê keyeyêk ê şorişgêrî de ame dinya. Serra 2014î de tewrê gerîlayan bi. Bi kedan û fedakarîya xo ameyêne şinasnayene. Embazê ma Dilgeş seba qesasê her merdimî û şehîdî tekoşîn kerd.''