Fermandaranê tîmanê hereketînan ê YJA-Starî ra Arîne Xalid ANFyî rê qisey kerd.

Fermandare Arîne Xalid îfade kerd ke Avaşîn, Zap û Metîna de xoverdayîşêko pîl yeno kerdene û vat: ''Wayîrvejîyayîşê nê xoverdayîşî erkê şaran o sereke yo. Erkê ma yê embazan o. Embazê ma nika resayî heta astêkî. Nika bare milê ma de mende. Seba wedaritişê na bare zî ganî moral û motîvasyonê ma est ê. Ganî nê prosesî de ma bi xurtî wayîrê xoverdayîşî vejîyê û dormeyê Rayberîye de kom bibê. 

Embazanê ma nê çend mengan de dişmen şoq kerd. Xoverdayîşê embazan ê vera hêrişanê kîmyewîyan seba dişmenî do bibo prosesê qedîyayîşî. Senî ke dişmen bi armancê çinkerdişî yeno serê ma, operasyonan keno ganî ma zî seba şorişî peynîya înan bîyarê. Ganî ma hînî nê şorişî bîyarê ca. 

Ma vera dişmenêkê namerdî şer kenê ke no dişmen çekanê kîmyewîyan şuxilneno. Dişmenî waşt ke ma biqedînê la pê ma nêeşka. Hêrsê ma zêdîna. Fedayîtîyê ke ameyê kerdene seba ma bîyê çimeyê qewetî. Ma resayî a aste ke amade yê her çîyê xo feda bikerê. Ma her roje sondê çinkerdişê dişmenî wanenê.

Wext wextê ci yo ke ma derbe bidê dişmenî ro û wayîrê erjanê xo vejîyo. Şarê kurdî ganî goreyê na raştîye wayîrê domananê xo vejîyê. Ganî her kes wayîrê domananê xo vejîyo, wayîrê welatê xo vejîyo. Erd namus o coka ganî ma wayîrê namusê xo vejîyê.''