Tepişteyanê PKK û PAJKî 27ê teşrîna peyêne de zîndananê Tirkîya û Vakurê Kurdîstanî de vera tecrîdkerdişê Rayberê Şarê Kurdî Abdullah Ocalanî û binpaykerdişê heqanê tepişteyan grevê vêşanîye dabi destpêkerdene.

Fermandaranê HPGyî ra Mahîr Amed derheqê grevê vêşanîye û Hemleya 'Wext Wextê Azadîye yo' de qisey kerd.

Qiseykerdişê Mahîr Amedî ra beşêk wina yo:

''Ez şarê ma yo ke teber de xo ver dano û embazanê ma rê ke zere de xo ver danê înan rê selam kena. Kurdîstan de qewimîyayîşê girîngî estê. Xora bingeyê nê qewimîyayîşan de Têgêrayîşê Azadîye esto.

Şarê kurdî û Têgêrayîşê Azadîye xo ver dano û şer keno. Hêrişê AKP-MHPyî yê vera şarê ma asta faşîzane de dewam kenê. Coka Têgêrayîşê Azadîye Hemleya 'Wext Wextê Azadîye yo' daye destpêkerdene. Gerîlayan nê prosesî de mesuldarîyêka pîle girewte xo milî.

Şarê kurdî zî meydanan de paştî dano nê prosesî. Zîndanan de zî pê grevê vêşanîye embazê ma xo ver danê. Xoverdayîşê zîndanan bi taybetî xoverdayîşê Zîndanê Amedî mojna ke ganî terzê têkoşînî senî bibo. Grevê vêşanîye çalakîya serewedaritişî ya. Ez pêro embazanê na çalakîye rê bi hûrmetî selma kena.

Xoverdayîşê zîndanan azadîya Rayber Apoyî armanc keno. Ma zî sey gerîlayan pê rûhê xo hetê nê embazan de yê. Ma zî wazenê cewab bidê nê prosesî. Ganî têkoşîn pê gerîla û zîndanan sînordar nêmano.

Kurdî ganî bi hawayêkê aktîfî tewrê hemle bibê. Ma zî sey gerîlayan bedelê ci se beno wa bibo pê çalakîyanê taktîk û terzan peynîya faşîzmê dewleta tirke bîyarê. Dewleta tirke xora hînî zaf bîya qels. Ma do nê prosesî de derba tewr pîle bidê AKP-MHPyî ro. Peynîya îqtîdarê Erdogan û Bahçelîyî do bêra. Ma do pê ruhê xoverdayîşê zîndanan tewrê nê prosesî bibê.

Pêro dinya zanena ke têgêrayîşê ma fedayîyê şarê xo yo. Ez pê germîya koyanê Kurdîstanî pêro embazanê xoverdayîşê zîndanan rê selam kena.''