Malayanê Kampa Şehîd Rûstemî ya Mexmûrî  derheqê hêrişanê dewleta tirke û rojdemî de ANFyî reyde qisey kerd.

Destpêk de Mela Mihyedîn Urperî qisey kerd û çarçewa edaletê Îslamî de ewnîyaye hêrişanê dewleta tirke yê vera kurdan. Mela Mihyedîn Urperî vat: ''Dewleta tirke heqanê kurdan wena. Erdogan û hemkarê ci doman û cinîyanê kurdan  û Kurdîstanî rê zulm kenê. Ê do qetî cehenemî ra nêxelisîyê. Heqê kurdan edalet o. Rayber Apo 22 serrî yo Zîndanê Îmraliyî de pabeyê edaletî yo. Edalet her çi visneno destê çewî la zulm tarîtî ya. Erdoganî wina mîrasê Saddam Huseyînî girewt xo ser. Quran vano zulm xaflet o û cîyakerîye mekerê, yew bibê. Eke kurdî bibê yew teqez do ser bikewê. Ganî ma îtîfaqê xo ronê. Erdogan û hemkarê ci seke Ecûc û Mecûc ê. Ê hemkarê leşkeranê Deccalî yê.''

Dima Mela Şîrîn Çetînî qisey kerd û vat: ''Serewedaritişê vera zulmî şertê Îslamî yo. Êyê ke vera zulmî bêveng manenê misilman nîyê. Pêxemberê ma vano ke merdimê tewr holî ê yê ke nîjadperestî nêkenê. Pêxember vano 'çewî rê zulm mekerê.' La ewro îşxalker û zorbazêk esto ke şarê ma rê zulm keno. Îşxalkerê erdê ma zulm û heta tecawuzan ma rê rewa vînenê. Ganî ma vera nê zorbaz û zulmkeran xo ver bidê, no heq o. Wa çew vera zulmî bêveng nêmano. ''