Endamê Koordînasyonê Komelê Êzidîyan Mam Beşîr (Hasan Dutar) bi merasîmêko bi seyan kesî tewrê ci bîyî Şehîdgehê Şehîd Dilgeş û Berxwedanî de ame definkerdene.

Cenazaya Mam Beşîrî saetanê serê sibayî de qezaya Xanesorî de heta seyan kesan ra ameye girewtene. Şerwananê YBŞyî merasîmê leşkerî organîze kerd.

Merasîm de bi nameyê YBŞyî Tirej Şingalî qisey kerd. Şingalî ard ziwan ke ê do heta peynî wayîrê mucadeleyê Mam Beşîrî bivejîyê û destkewteyanê Şingalî bipawê.

Bi nameyê PADÊ Hisên Hecî zî bale ante mucadeleyê Mam Beşîrî ser û vat: ''Ey 37 serrî semedê azadîya şarê Kurdî mucadele kerd, ma do nê mucadeleyî biresnê serkewişî.''

Cinîya Mam Beşîrî Sebrîye Dutar zî heme şarê kurdî û Rayberê Şarê Kurdî Abdullah Ocalanî rê serweşîye waşte û vat: ''Ma şehîdo ke 37 serrî mucadele kerd, da. No semedê anorê şarê Şingalî yo.''

Naima Şemo ke bi nameyê TAJÊ qisey kerd, vist vîrî ke Mam Beşîrî semedê xoserîya Şingalî mucadele kerd û vat: '' Ma do rêça ey de mucadeleyî pîl bikerê.''

Badê qiseykerdişan de cenazaya Mam Beşîrî ameye definekerdene. Şehîdgehê Şehîd Dilgeş û Berxwedanî de xeyêke ameye ronayene ke goreyê orf û edetê êzidîyan do 5 rojî akerde bimane.