Goreyê eşkerayîya ke Koordînasyonê Komelê Êzidîyan daye Mam Beşîrî 14ê kanûne de serê sibayî koyê Şingalî de netîceya krîzê qelbî de dinyaya xo bedilnaye.

Eşkerayîye de ame vatene ke şehadetê Mam Beşîrî semedê êzidîyan û heme Kurdîstanî dejo pîl o û keyeyê ci, komelê êzîdîyan û heme şarê kurdî rê serweşîye ameye waştene

Goreyê eşkerayîye Mam Beşîrî wextê hêrişê DAÎŞî yê 2014î verê xo da Şingalî û seba ke komelê êzidîyan estbîyayîşê xo bido domnayene û xoserîya xo rono, şewe û roje xebitya.

Mam Beşîro ke dewa Cinnetî ya Elîhî de 1956 de ame dinya babîyê 6 domanan bi. Sey xeylêk keyeyanê bînan ê êzidîyan Mam Beşîr zî rîyê zextê dewleta tirka faşîste ra 1970 de mecbur mend Almanya rê bar kerd. Mam Beşîr 1983î de pîya bi Mam Zekî Şingalî ra grûbêka embazan semedê pawitiş û rêxisitinkerdişê êzidîyan dest pê mucadeleyî kerd û 37 serran de keda pîle daye. Mam Beşîr o ke ronayîşê têgêrayîşê TEVDA yê 2003î de zî ca girewt, embazê Mam Zekî bi, herra bimbarek de rêça ey de rayra şi û resayê pê.