Şaristanê Bokanî yê Rojhelatê Kurdîstanî de Mamostaya kurdkî Sewsene Muhammed Hesen 15ê gulane de hetê hêzanê Îranî ra amebî destbendkerdene.

Heta nika destûr nêdîya ke keye û avûkatê ci Sewsene bivînê. Ame parekerdene mamosta Sewsene sewqê Zîndanê Ûrmîye bîya.

Goreyê eşkerayîya Torra Heqanê Merdiman a Kurdîstanî Sewsene heta nika reyêke keyeyê xo de bi telefonî qisey kerdo û keyeyî rê vato ke a Zîndanê Ûrmîye de hucreyê yewkesî de tepişîyena.

Torra Heqanê Merdiman dîyar kerd ke keyeyî çend reyî muracatê mehkemeyan û merkezanê edaletî kerdo la cewabêk nêdîyayo ci.

Sewsena ke 17 serrî yo mamostatîya kurdkî kena verê cû zî amebî destbendkerdene.