Grevê vêşanîye yê ke semedê wedartişê tecrîdê serê Rayberê Şarê Kurdî Abdullah Ocalanî rayberîya Leyla Guvene de dest pêkerd û bi mengan o bi girdbîyayîşî vila bênê, bajaranê Başûrê Kurdîstanî de zî dewam kenê. Hewlêr de Nasir Yagiz 21’ê Kanûne de dest pêkerd dimer a  Merxmûr de Fadîle Toke  û 24’ê Sibate de zî Kelar ra Herêm Mehmûd tewrê xoverdayîşê grevê vêşanîye bi.

Herêm Mehmûdo ke qijîya xo ra mîyanê xebatanê sîyasîyan de yo hetêk ra wanen hetêk ra zî xebata citkarîye de pîyê xo rê hetkarî keno. Gama ke wextê mektebî yeno  bi sebebê nameyê Kirdkî dibistanî qeydê ey nêvirazenê. Bi paştdayîşê malimêkê welatperwerî Kelar de dibistanêk de yeno qeydkerdene. Mehmûd dibistan ra heta ke Unuversîteyê Selahaddînî yê Hewlêrî qedîneno hem wenan hem xebitîyeno. Hetê bînî ra zî xebatanê xo yê sîyasîyan rê dewam keno. Serranê 2015-16 de  têgêrayîşê Goran de ca gêno û wefatê rayberê Goranî Newşîrwan Mûstafayî ra dima Goran goreyê ey bena sey partîyanê bînan ê Başûrî û Goran cavêrdeno. Mehmûdo ke pîyê hîrê domanano bado agêreno Kelar û ûca Têgerayîşê Azadîye Kurdî nas keno û dest bi kitabanê Rayberê Şarê Kurdî Abdullah Ocalanî yê ke açaryayî Sorankî keno. Îdaeolîyê Ocalanî ey ser zaf tesîro gird keno û qerar geno ke do xeta ey de semedê Kurd û Kurdistan mucalede bikero.

Herêm Mehmûdî bale ante muhîmîya grevê vêşanîye ser û va: ‘‘Xeylî kesan çalakîya ma bêmana dîyêne. La ewro vînenê ke dewleta Tirkî senî şîyê cayê Rayber Apoyî. Bi na çalakîye Amed de Embaze Leyla, Hêwlêr de Nasir, zîndanî, Strasburg û xeylî cayanê dinya de sinorê ke  îşxalkaran welatê ma  lete kerd û nayî ro, ma çîn kerdî, werte ra wedartê. Înan ke semedê caverdayîşê çalakîye mi rê zext kerdêne  nika hurmet ramojnenê. Vengê Germîyan û Kelarî resa Amed û vengê Amedî resa tîya. Pêvînayîşê  2’ê Gulane nêno manaya qedîyayîşê tecrîdî. Coka xoverdayîşê ma do dewam bikero.‘‘