Mabênê qezaya Xana Axparî ya Amed û qezaya Şemrexî ya Mêrdînî de şewat vejîya ke sebedê ci DEDAŞ o. Narey zî bi destê dewleta tirke ya îşxalkere Mawa ya Êlihî de şewat vejîya.

Hêrişê îmhayî yê dewleta tirke yê vera dewa Xirbêkûrî ya herêma Mawa yo ke 18ê hezîrane de dîya destpêkerdene dewam keno. Operasyon bi droneyanê çekdaran û helîkoperan yeno kerdene. Netîceya bombardumanî de şewat vejîya.

Waro ke sey herêma operasyonî ame îlankerdene destûr nêdîyeno ke şewatî rê mudaxale bêro kerdene. Vizêr saetanê şewe de şewat warê daristanî de bi girdbîyayîşî dewam kerdêne.