Atîlla Coşkûn Uzero ke qeezaya Erdîşî ya Wanî ra yo, Tirk o. Uzer 115 rojî yo Zîndanê Patnosî yê Tîpê T’yî de grevê vêşanîye de yo. Engîn Ûlûgana Kurd o û 75 rojî yo Zîndanê Alîaga yê Îzmîrî yê Hûmara 1’ine de grevê vêşanîye de yo. Pîyê Ûlûganayî ke nêweşêko giran o Zîndanê Wanî yê Biasayîşê Berzî de yeno girewtene.

Maya Engîn Ûlûgana Guneş Ûlûgana sere de Wezaretê Edaletî veng da hukmatê Tirkî ke cewab bido waştişê heqdar ê rewayî. Maya Ûlûgana vat, “Ma keyeyê xo de zî nerehet ê. 74 rojî yo lajê mi grevê vêşanîye de yo. Her kesê ke grevê vêşanîye de yê sey lajê min ê. Parçeyê nanî qirika mi ra nêşino warî. Wa tecrîd hendî biqedîyo.”

Nadîda Coşkûn Uzer a ke 80 serrî ya û Erdîş de manena vat, “Vero ke domanê ma bimirê ganî selahîyetdarî tavilî bikewê mîyanê têgêrayîşêk. Ma mayî bi nê halî xeylî dejenê. Ma nêzanê ke nika se kerê. Ganî hukmat çareserîyêk nê grevanê vêşanîye rê bivîno.”