Meclîsê Şingalî: Ma do meverdê ke şarê ma bigêrîyo binê ablûqa

Meclîsê Xoserîya Demokratîke yê Şingalî vera viraştişê dêsan ê hukmatê Bexdadî nêrazîbîyayîşê xo mojna û vat: ''Ma do meverdê ke şarê ma bigêrîyo binê ablûqa.''

Artêşa Iraqî Şingal de têgêrayîşê xo rê dewam kena. Artêşa Iraqî nika zî cehd kena ke mabênê Şingal û Rojawanî de dêsan viraza.

Meclîsê Xoserîya Demokratîke yê Şingalî Gelîya Kersî de bi beşdarîya hemserekan, temsîlkaranê dezgehan û rêxistinanê komelê sivîlî eşkerayîyêke daye.

Hemsereka Meclîsê Xoserîya Demokratîke ya Şingalî Xezale Reşo eşkerayîye wende û vera abluka nêrazîbîyayîşê xo mojna.

Xezale vat: ''Pê viraştişê nê dêsî ê wazenê dostanîya ma ya bi Rojawanî biqedînê û têkilîya ma bibirnê û herême bigêrê binê ablukaya xo. No zî seba hêzanê herême tehlukeyêko pîl o. Ma venga pêro selahîyetdaran danê ke viraştişê dêsan û tedaya serê hêzanê Şingalî vindarnê.''