Meclîsê Xoserîya Demokratîke ya Şingalî semedê ercnayîşê qewimîyayîşanê peyênan ê herême kombîyayîşêko taybet kerd. Badê kombîyayîşî eşkerayîyêke ameye dayene.

Hemserekê Meclîsê Xoserîya Demokratîke ya Şingalî Heso Îbarahîmî ke bi nameyê meclîsî qisey kerd vat: ''Ma qet yew qerarêko bê îradeyê ma ameyo girewtene qebul nêkenê. Iraq deyndarê ma yo. Ma înan ra çîyêk nêwazenê. La ganî ê bêrê ma de muneqaşe bikerê.  6 seran de zaf kede dîyaye tîya. Ewro wazenê ke ma bêîrade bikerê.  Ma sey şarê Şingalî qerardar ê ke ma do heta peynî xover bidê.  Eke Iraq wazeno ma nas bikero wa bêro ma dir pêvînayîş bikero. La wa bêro zanayene ke eke vera Asayîşê Êzidîxnanî hêriş bêro kerdene, ma do pîya bi hêzê ma yê pawitişî vera hêrişî heta peynî şer bikerê. Ma şer nêwazenê. Her wext ma vanê wa problemî bi dîyalog çareser bibê. Le eke vera ma hêriş bibo, ma zî do bi heme hêzê xo xover bidê. Ma tîya ra veng danê şarê êzidî ke wa siba saete 90:00 de asayîşê Şingal, Sinûnî û Xanesorê de bêro pêser.''