Akademîsyenê Zanîngehê Silêmanî Hewjin Mele Emînî paştî daye kampanyaya 'Wext Wextê Azadîye yo' ya KCKyî û her kesî ra waşt ke seba azadîya Rayberê Şarê Kurdî Abdullah Ocalanî paştî bido na kampanya.

Mele Emînî ard ziwan ke dewaya Rayberê Şarê Kurdî Abdullah Ocalanî dewaya pêro kurdan a û vat: ''Şexsê Birêz Ocalanî de demokrasî, meseleya kurdan û azadîye ameyî zîndankerdene. Coka têkoşînê Birêz Ocalanî têkoşînê seba azadîya şexsêkî nîyo. No têkoşîn seba azadîya şaran, Rojhelatê Mîyanênî, cuya haştîye yo.''

Mele Emînî da zanayene ke bi nameyê roşnvîr, nuştox û akademîsyenanê Başûrê Kurdîstanî înan seba azadîya Ocalanî dest pê kampanyaya îmzayan kerde û merdimê sey akademîsyen, hunermend, nuştox eleqeyêkê pîlî danê na kampanya. 

Mele Emînî vat: ''Na kampanya têna qîm nêkena. Ganî xîretê seba azadîya Birêz Ocalanî û çareserîya meseleya kurdan dewam bikerê. Verî tay welat û hêzanê mîyanneteweyîyan vatêne dewaya Birêz Ocalanî dewayêka sîyasî ya. Labelê asta nikayêne de xeylêk welat û rayaumûmîya demokratîke vînenê ke dewaya Birêz Ocalanî hînî dewayêka meşrû ya û na dewa dewaya pêro kurdan, yê merdimîye ya. Coka ganî rayaumûmîya mîyanneteweyîye paştîyêka xurte bidê na dewa. Azadîya Birêz Ocalanî azadîya ma ya û ganî ma goreyê ney bixebitin.''