Merkezê Çapemenî û Îrtîbatî yê HPG’yî derheqê çalakîya Mêrdînî û hêrişê  hewayî yê artêşa Tirkî de zanayîş da.

Eşkerayîye de ca dîya nînan:

''Çarçeweya Hamleya Şorişgêre ya Şehîde Delale û Şehîdanê Besta ya ke Sahaya Botanî de yena domanyene 23’ê Nîsane de qezaya Mehsertî ya Mêrdînî de hêzanê ma çalakîyêk viraşte. Nêzdîya dewa Kudê de konvoyê îşxalkaran rê çalakîya sabotajî ameye viraştene. Wesayîteko zirxin yê tîpê Kobra eskerekê tede ye ya pîya ameyî îmhakerdene. Hûmara eskeran tam nêna zanayene la sey 9 eskeran yena ercnayene. Îşxalkaran çalakî ra dima dest bi operasyonêk kerd û roja bîne saetanê şanî de dest veng peyser ancîyayî. Çalakî û operasyon de vîndîbîyayeyê ma çîn ê.

Hêrişê Hewayî

26’ê Nîsane de (vizêr) Qilê Sorî û Werxelê yê pabeteyê Avaşînî û Kurojahro ya Zapî, 27’ê mengî de zî Kurojahro  û Kunîşka  yê Zapî, Qilê Sorî yê  Avaşînî ameyî bombardûmankerdene. Hêrişan de vîndîbîyayeyê hêzanê ma çîn ê. Dar û birê Kurdistanî zirar dî.''