Operasyonê qirkerdişê sîyasîyî bêmabên dewam kenê.

Ewro serê sibayî qezaya Qoserî ya Mêrdînî de polîsan eşt keyeyan ser û kesê bi nameyê Îhsan Kilinç, Abdullah Kilinç û Kemal Oral destbend kerdî. 3 kesê ke verî HDP û DBP de xebatê sîyasîyî kerdêne ameyî berdene bi Mudirîya Asayîşî ya Mêrdînî.

Dîya zanayene ke polîsan wextê sereştişî de keyeyî serûbin kerdî.

Taxa Axirtoşî ya qezaya Serêkanî ya Riha de 30ê teşrîna peyêne de polîsan Şukru Kahraman destbend kerdbi. Kahraman bi îdîaya 'endamîya rêxistine' ame teiştene û erşawîya Zîndanê Riha.