Rêxistina HDPyî ya Mêrdînî derheqê grevê vêşanîye ke vera tecrîdê serê Rayberê Şarê Kurdî Abdullah Ocalanî yeno domnayene de eşkerayîye daye. Vervatoxa HDPyî Ebru Gunay û wekîle Pero Dundar zî tede xeylêk kesî verê partîye de ameyî têhet pankarta "Em tecrîdê bişkinin faşîzmê hilweşînin" akerde.

Ebru Gunay ard ziwan ke ê rixmê qedexeyê çalakîyan ê Walîtîya Mêrdînî ke têna vera partîya înan yeno rayraberdene, eşkerayîye danê û vat: ''Ma do vera heme polîtîkayanê asntekerdişî yê ke vera ma yenê rayraberdene xover bidê. Ma têgêrayî û şarêko pîl ê. Ma waran de ca nêbenê. Ma ewro seba ke bibê vengê tepişteyanê ke grevê vêşanîye yê bêdem-bidorî de yê, tîya de yê. Na çalakîye 200 rojanê ra zafêr o ke dewam kena.  Ma roja verêne ra Wezîrîya Edaletî hîşyar kenê û ma do hîşyarkerdişî rê dewam bikerê. Polîtîkaya şima nêna qebulkerdene.

Merdimê tepişteyan bi rojan o medyaya sanale de qedexe pêvînayîşî yê Wezîrîya Edaletî şermezar kenê. Îqtîdar xo rê luxs, şatafat û qesre sey heq vîneno û barê şarî rê zî tecrîd, polîtîkayê şerî û qirkerdişî kewnê. Seba ke Birêz Ocalan haştîye wazeno semedê ci guruyeno bi tecrîdî yeno waşteno vengê ci bêro nimzkerdene. Ma Mêrdînî ra rayna vanê waştişê Birêz Ocalanî yê haştîye waştişê kurdan o. Waştişê kurdan do nê tecrîdî bişikno. Îqtîdar ganî cade dişmenîya kurdan caverdo û tecrîdî wedaro. Ganî polîtîkayê şerî berê caverdayene û vengê tepişteyanê xoverdayoxan bêro goştarîkerdene. Ma reyna vanê ke waştişê tepişteyan waştişê ma yo. Wa tecrîdê Îmraliyî cade bêro wedaritene.''

Eşkerayîya ke bi sloganan xoverdayîşê zîndnan ame selamkerdene bi tîlîlî û çepikan qedîyaye.