Komîteya Amadekarîye ya Newroza Amedî derheqê şayîya 21ê adare ya Amedî de eşkerayîyêke daye û da zanayene ke şayîye do serkêşîya DBP, TJA û DEM Partî de bêra kerdene.

Komîte ra Hemserekê DBPyî yê Amedî Mehmet Şîrîn Gurbuzî vat: ‘’Newroza emserîne Newroza haştî û azadîye ya. Newroze de mesajê ma yo bingeyî do seba azadîya Birêz Ocalanî bibo. Ma emser bi reng, ziwan, mesaj û coşî tewrê Newroze bibê. Newroze do biba wesîleya azadîya Ocalanî.’’

Hemsereka DEM Partî ya Amedî Gulşene Ozer vat: ‘’Amadekarîyê ma qedîyayî. Komelo demokratîk û waştişê azadîye şîarê Newroze yê. Ganî ma seba cuyêka têdûşt û hempare bixebitê. Ma venga şarê xo danê ke tewrê şayîya Amedî bibo.’’

Gulşene persê ‘Newroze de mesajêko bidîmen est bo yan?’ ser o vat: ‘’Xebera ma pê çin a. La Newroze de surprîzê ma do est bê.’’