Komîteya Paştdayîşê Keyeyanê Şehîdan a PKKyî eşkerayîyêka nuştekîye weşanaye û serra newîye fîraz kerde.

Eşkerayîye wina ya:

"Vera polîtîkayanê qirkeran û faşîzanan ê dewleta tirke ya zorbaze ma serrêka girînge û bi xoverdayîşêkê tarîxî peyê xo de verdaye. Bêbedelan çîyêk nêbeno û do nêbo. Destkewteyanê tarîxê ma yê partîye de her gama partîye û şarî de keda fedakarîya şehîdan û Rayberê ma pîl a. Naye ra Rayberê ma seba PKKyî vano; partîya şehîdan. Nê bingeyî ser o ma serra newîye ya şehîdanê xo şexsê Hakî Karer, Egît, Sara, Zîlane, Adil, Nûda, Delale, Atakan, Zekî Şengalî, Helmet, Sînanê Sor, Şevîne, Çîçeke Botan, Cemîl û Demhat de fîraz kenê û şehîdanê xo bi mînet û rêzdarî yad kenê. Ma reyna soz danê ke ma do armancê şehîdanê xo bîyarê ca, erjanê înan bipawê û xurt bikerê.''

Ma serra newîye ya dadîyanê çêranê ma yê erjayeyan, yê keyeyanê şehîdan fîraz kenê. Şexsê keyeyanê şehîdan de ma reyna soz danê şarê Kurdîstanî û şaranê pêroyînan ke ma do Rayberê xo azad bikê û Kurdîstanê azadî awan bikê. Dewleta tirke ya îşxalkere û qirkere û hukmatê faşîstî yê AKP-MHPyî serra 2019î de vera şarê ma hêriş û qirkerdişanê xo dewam kerd. No hêz dişmenê merdimîye yo ke embazê ma vêşnayî partîya ma her roje ci rê hesab persa û do biperse. Zalîm û zordarî qet nêeşkê ke xo hesabdayîşê têkoşînê heqdarî ra bixelisnê. Nê hukmatê faşîstî têna îşkence bi cenazeyanê ma nêkerd, heman wextî de cenazeyê şehîdan bi mengan morgan de verdayî û nêdayî keyeyan.

Ma zanenê ke tarîxê şaran o ke bi xoverdayîşêkê pîlî ame nuştene raştîye û edalet bîyaro ca. Şehîdê ma seba ma erjê cuye yê îspatkerdeyî yê. Heman wextî de ê bingeyê partîya ma yê. Senî ke PKK partîya têgêrayîşê Rayberîye ya, her şehîdêkê PKKyî zî reng, kesayet, wezîfe û cuya PKKyî nîşan dano. Partî û têkoşînê ma nêzdîbîyayîşê her şehîdê ma sey krîterê serkewtişî hesibna. Eke şehîdî nêbê ma do çin bibîyêne. Nê esasî ser o nê prosesê tarîxî de ma qasê şehîdan, embazanê şehîdan û keyeyanê şehîdan bi hişmendîye û berpirsîyarîye têbigêrê, wayîrê armancanê şehîdan bivejîyê. Nê esasî ser o ma pê bawer ê ke serra 2020î do biba serra azadîya welatî û têkoşînî û pêvînayîşê azadîya Rayberî. Ma reyna sozê xo dibare kenê ke ma dabi şehîdanê xo."