Embaze Sara serranê dergan ra dima 2010 de reyna ameye Metîna û Garê. Ez ê rojan de embaze Sara reyde menda. Raywanîya min a gerîlatîye newe dest pêkerdbi. A raywanîya bi embaze Sara de her hele seba mi bîyêne efsûnî. Çend fotografanê ê rojan reyna ez berda a raywanîya tarîxîye.

Girê Biharî: 19ê teşrîna verêne bi. Hasmên pê tîje tawîyayêne. Ma Garê ra verê xo da Girê Baharî. Ma şîyêne ke embazan bivîne. Embaze Sara qet nêqefilîyayêne. Ma resayî serê Girî. O çax a zerrî ra huyaye. Mi ca pê makîneya xo no huyayîş qeyd kerd.

Verê Awa Xazirî de: Awa Xazirî ya Garê pê hêrikîyayîşê xo aramîye dana merdiman. Ma embaze Sara reyde uca de bi desan fotografî girewtî û ê helê  manîdarî kerdî bêmerg.

Kanîya dewa Yekmalî: Dewa Yekmalî warê Garê de ya û tay kesî tira vanê Bergarê. Embaze Sara seke embaza na kanî ya destê xo eştî ci û awa ci werde. No fotografê embaze Sara menga êlule de ame girewtene.

Awa Xazirî de embazan reyde: Tay embazanê ma verê awa Xazirî de perwerde dîyêne. Embaze Sara bîye meymana înan. Nê embazan verî qet embaze Sara nêdibî. Nê 3 embazî merdimê yewbînan bîyî û pîya tewrê rêxistinîye bibî. Newale, Dîyane û Axîne yê ke Sara reyde fotografê xo girewtî înan ra Newale 2012 de Xakurkê de Hemleya Şemzînanî de şehîd bîye. Dîyane qezayê wesayîtî de şehîd bîye û Axîne zî rêçê înan ser o têkoşînê xo dewam kena.

Raywanîya ma Garê û Metîna de aşmêke dewam kerde. Têkoşînê têgêrayîşê ma de cayê embaze Sara û manaya ci pîl ê. Serrgêra 8. ya şehadetê embazan Sara, Rojbîne û Ronahî de têkoşînê înan bi israrî dewam keno û veng dano. Koy, dew, şaristan û her ca de bi hezaran Sara, Rojbîne û Ronahî alaya azadîye kenê berz. Embaze Saraya ke embaza raştikêne ya Rayberîye ya, bîye  nameyê cuya newîye. Ma do seba ke na embazîye mende bikerê û cuya azade awan bikerê têkoşîn berz bikerê.