Kampa Multecîyan a Şehîd Rûstem Cûdîyî (Mexmûr) de baxçeyê Dezgehê Keyeyanê Şehîdan de bi wesîleya rojbîyayîşê 73. yê Rayberê Şarê Kurdî abdullah Ocalanî leyî ronîyayî.

Ronîyayîşê leyan ra verî seba şehîdanê têkoşînê azadîye deqayêk rêz ame girewtene.

Nameyê Dezgehê Keyeyanê Şehîdan ser o Sarya Marinos qisey kerd û vat: ''Rojbîyayîşê Rayber Apoyî seba cinîyan sebebê şayî yo. Çunke tewr zaf Rayber Apoyî qîmet dayêne cinîyan. Rojbîyayîşê Rayber Apoyî şar hişyar kerd. Têna seba şarê kurdî nê seba pêro şaranê bindestan rojbîyayîşê Rayber Apoyî qîmetêko pîl o.''