Gerîlaya YJA Starî Bêrîtane Erzûrûm qala çalakîyêke kerde ke 2018 de warê Valtoyî yê Gelîya Tiyarî de ameye kerdene. 

Bêrîtane vat:

"Serra 2018î de ma sey tîmêke derbazê warê Valtoyî bîyî. Embaz Besê, Welat, Êrîş ma pîya bibî. Ma waştêne derbe bidê dişmenî ro.

Verî ma amadekarîya xo kerde, keşfê xo kerd temam kewtî rayîr. Ma resayî cayê çalakîye. Dişmenî seba ke xebera çalakîye girewte ma ser o roketî eştî. 1200 leşkerî ameyî cayê ma la ma 4 kesî bibî. Şer dest pêkerd û nême saete dewam kerd. Embaze Besê şehîd bîye. Mi waşt ez şêra cayê embaz Welatî la o zî şehîd bi. Ez zî ling û milê xo ra birîndar bîya. Mi cebilxane êdî êdî xebitna û ez sey birîndare uca de hewteyêk abluqaya leşkeran de menda.

Merdim eşkeno pê îradeyê Rayber Apoyî payan ser o vindero. Sey cinîye mi hêzê xo mîyanê dişmenan de şinasna.

Ez hewteyêk bê awe û nan uca de menda. Uca de seba derbazbîyayîş awe estbî la awêka xidare bîye. Mi solê xo vetî û ez awe ra derbaz bîye. Solê mi zî o çax destê mi ra şîyî. Ez bê solan di rojan şîya. Germî ra birînê mi zî bîyî xidar. Mi ser de têna îşlîg û şalê mi mendbî. 

Mi cayêk de vengîye dîye ke tede morcelayî estbî. Mi lingê xo derg kerd ke ê birînê mi pakî bikerê. Ez nême saete xo ra şîya. Wexto ke ez bîya haya mi dî ke înan birînê mi kerdo pakî. Merdim tena bimano eşkeno bimuso senî xoza de biciwîyo. 

O çax droneyî ez dîya û helîkopteran ez daya bombaya ver. Mi mîyanê daran de xo nimit. Hînî helîkopter û dronan ez nêdîya û coka şîyî.

Şima eşkenê bi yew kerra, awe, dare teknîkê dişmenî pûç bikerê.

Dima embazan ez dîya û berde. Destpêk de morcelayan ez tedawî kerda dima zî germîya embazan. "