Kamûran Cûdî (Mûsa Ongun) serra 1995 de dewa Çardakli ya Şirnexî de ame dinya. Mekteba ewilêne dewe de wende. Sey heme domananê Kurdan hewna ke doman bi bi trawmayan ciwîya. Dimayê mekteba ewilêne ra merkezê Şirnexî de mekteba mîyanêne û lîse wende. Nê wextan de bi kolonyalîzmî hesîya û sinifa lîse ya peyêne de wendiş ca verda. Cûdîyo ke nizdê ci de bi tewrê gerîlayan bi.

Tim Waştêne Aya Tewr Rinde Bikero

Gerîla Amara Cûdîyo ke o dewreya şerwananê neweyan de nas kerdibi û hemrayîya înan dima ra zî dewam kerde behsê Kamûranî keno û vano; ma dewreyo ewilên de bîyî, çime ê bereqîyayêne. Kêfweşîya ê rîyê ê ra bewlî bîyêne. Rixmo ke newe tewr bibi zî her çîyî dima vaz dayêne. Zerrîya her kesî de ca girewt. Dewre de ma her di zî asayîşî ra mesuldar bîyî. Hende hesas bi ke ge-ge gama embazî seba hayakerdişê ê şîyêne ê xo rew ra amade kerdêne zî. Kerdêne ke heme karê xo rind bikero. Rojêk gama ke werî dir meşgul bîyêne, fasulye û bulxur viraştêne û ver de zî selete viraştêne, gama ke ez a kêfweşîya ê rê bîya şahid mi wareyê xo bi ê ard.

Sey Domananê Ke Cilê Roşanî Dayê Xora

Seba hemrayanê xo xo tu çîyêk ra pey de nêdayêne. Vatêne, “Dimayê perwerdeyî ra ganî meterîs de ez tewr vernî de bibî û ganî vengê helmê dişmenî tim bêro goşê mi” û xora wina bi zî. Dimayê dewreyî ra gama ke zereyê plansazîya Şehrîbane de o zî estbi zaf kêfê ê ame. Sey domanêk ke cilê roşanî dayê xora bi kêfweşî kewt rayîr.

Reyna Rastê Yewbînan Ameyî

Dimayê wextêk ra min û Kamûranî ma reyna yewbînan dî, na rey dewreyê suyîqestî de bi. Ancî ma heman dewreyî de bî û kêfê ma amebi. Û embaz Dewrîm Dîgor estbi ke Kamûranî zaf ercê ci zanayêne û ma ci ra vatêne dileteyê ê yê ruhî yo. Hende mendêne ro yewbînan. Ma perwerdeyêkê teorîkî dî û tim sporê leşkerî de zî serkewte bi. Kamûran zaf rikdar bi, hemverê nêserkewtişêkê qijkekî de zî xo efû nêkerdêne. Spor de gama ke zorê ci bişîyêne zêdetir xurt bîyêne, xo aver berdêne. Gama ke dore ameyêne serê eştişê guleyan û eke ê nênayêne hedefî ra fikirîyayêne, tespit kerdêne tirem ça de şaşî kerda û reyna cerebnayêne û tam nayêne bi hedefî ra. 

Dimayê Perwerdeyê Wareyê Pîroyî

Dimayo ke dewreyê ma yê perwerdeyî bi ser kewt o heqê ma virazîya ke ma şirê wareyê Pîroyî. Bişewe ma dest bi hadreyîyan kerd. Saet 03.00 de ma kewtî rayîr. Reyna înanê ke barê giranî wegirewtî embaz Kamûran û Dewrîm bîyî. Gama ke ma resayî Pîro, derheqê heme detayan de munaqeşeyî kerdêne. Qalê Şehrîbane kerd ke verî ûca mendibi. Seke çalakîye koordîne bikero qisey kerdêne. Dima ra ma kaşêk de roniştî, embaz Kamûranî bêvengî qedînaye û vat, “Her çende ma herêmanê cîyayan de bê zî zerrîya ma yew a û yo ke muhîm o no yo.” Ma zî vat e û bi seretêşanayîşî ma huyayî. Ma yew govende kerde û wext amebi ke ma hergu yew şirê cayê xo.

Şi Şehrîbana Ke Waştêne

Plansazîyî ameyî wendene, embaz Kamûran wareyê Şehrîbane pêşnîyar kerdibi. O do bişîyêne wareyo ke waştêne û pawitêne. Ma yewbînan ra xatir waşt. Ez wareyê Cûdî de bîya. Rojêk gama ke ma radyo goşdarî kerdêne, ame vatene çalakîya ke hemverê Tûgaya Şirnexî de ameya kerdene de embaz Kamûran pîya bi Dewrîmî yo ke ê ci ra vatêne dileteyê ruhî û ci ra zaf hes kerdêne û di embazê bînî tewrê refa şehîdan bîyê.

Zereyê PKK’yî de cuya her gerîlayî romanêk o. PKK’yo ke romanêko nêqedîyaye yo, pêresayîşê nê heminan o. Kamûranî romanê xo nûştibi.