Îdareyê Xoserî yê Şingalî û Konseya Eşîran a Şingalî verê Meclîsê Şarî yê Şingalî de eşkerayîyêke daye. 

Endamê Heyetê Îdareyî yê Konseya Eşîran Mîrza Bekîrî eşkerayîye wende. Bekîrî da zanayene ke tay terefdarê sîyasîyî wazenê mîrêkê neweyî îlan bikerê. Bekîrî vat: ''Bê îradeyê Îdareyê Xoserî û Meclîsê Eşîran çîyo winayên mumkîn nîyo. Mîr hetê şarê Şingalî ra yeno weçînbayene û şarê Şingalî zî tîya de yo. Mîr Salimo ke Amerîka ra ameyo ma ey qebul nêkenê. Mîrê ma Mîr Nayîf o. Ma sewbîna yew mîrî qebul nêkenê.''

Hemserekê Îdareyê Xoserî Xwedêda Îlyasî pare kerd ke Heyetê Mîrîye wextê Fermanê 2014î de çîyêk nêkerdo la ewro salona otêlan de mîran tayîn keno. Îlyasî vat: ''Ganî hêverî mîr xo çimê şarê Şingalî de bido qebulkerdene. Wa çew hesabanê gemarinan nêkero. Mîro ke bê îradeyê êzidîyan îlan bibo, ma do qebul nêkerê. Şarê Şingalî kamî sey Mîrî qebul bikero, o do bibo mîr.''