Fermandaranê Qerargehê Merkezê Pawitişê Şarî (MPŞ) bi eşkerayîyêke cewabê vengdayîşê Hemserekîya Konseya Rayberdişî ya KCKyî da.

Eşkerayîye de nê ameyî parekerdene:

''Erdlerzê 6ê sibate de felaketa girde qewimîyaye. Şarê ma ziraro gird dî. Bi des hezaran kesan dinyaya xo bedilnaye û hema bi des hezaran kesî binê rijnayîşî de pawenê ke bêrê xelisnayene. Şarê ma dejo pîl anceno. Ma dejê şarê xo xorî ra hîs kenê û pare kenê. Homa rehmê xo pê heme merdimanê ma bikero ke dinyaya xo bedilnaye. Wa sereyê keye û merdimanê înan weş bo. Ma heme birîndaran rê şîfaya lazabeze wazenê.

Wezîfeyo însanî û ehleqî yê ma pêrun o ke ma dejê şarê xo bikerê şenik û derbanê ci bipêşo. Ma eşkenê nê rojanê zehmetan bi pîlkerdişê paştîdayîşî xo dima biverdê. Ma zî wazenê paştî bidê nê. Ganî heme hêzê ma yê xopawitişî û dezgehê ma yê welatperwerî paştî bidê şarî û semedê hetkarî bibê seferber. Bitaybetî zî cayê ke heme çew nêrasayo ci û yenê îhmalkerdene. Nê demî de wezîfeyo tewr muhîm ê welatperwerî û însanîye no yo. Na çarçewa de hemrayê ma Cemîl Bayikî bi nameyê Hemserekîya Konseya Rayberdişî ya KCKyî vengdayîşêk kerdbi. Ma do çîyo ke hewce keno pratîk de bîyarê ca.

Ma veng danê heme gerîla, şervan û yewîyanê xo yê xopawitişî: Çarçewaya vengdayîşê hemserekîya ma de, wa heme metropol û bajaran de çalakîyê ke ameyî organîzekerdene, bêrê vindarnayene. Reyna heta ke dewleta tirke mero mewzîyanê hêzanê ma ser,  wa çalkîyêke mero kerdene. Heta fermanê diyînî no talîmat vîyartbar o. Ganî heme hêzê ma yê pawitişê meşrûyî  bi îtîna goreyê nê têbigêrê.

Rejîmê AKP-MHPyî bi serran o çarçeweya polîtîkaya qirkerdişî ya ke Kurdîstanî de rayra beno de heme çimeyê Tirkîya semedê şerî xerc kerdî û hêrişê hêzanê ma yê azadîye û heme dezganê şarî ma kerd. Nê hêrişan de masrafî girdî ameyî kerdene. Hukmatê ke paştgêrê xo bi tewiranê cîya cîyayan kerdî zengîn semedê şarî çîyêk nêkerd. Seba ke tedbîrî nêameyî girewtene ewro şar wina dej anceno. Nika paştîdayîşo komelkî hewce keno. Ma zî na çarçewa de berpirsîyarîya xo anê ca.''