Fermandarîya Qerargehê Merkezê Pawitişê Şarî (MPŞ) pê wesîleya serrgêra Xoverdayîşê Rojeyê Mergî yê Pîlî yê 14ê Temmuze eşkerayîyêka nuştekîye daye. Eşkerayîye wina ya:

''Xoverdayîşê Rojeyê Mergî yê Pîlî yê 14ê Temmuze dekeweno serra 40. Na serrgêre de embazan Mehmet Hayrî Durmuş, Kemal Pîr, Akîf Yilmaz û Alî Çîçek ê ke na çalakîye de pê tewirê xo rûmetê merdimîye pawit, pê xoverdayîşê netîcegirewtiş musna ma û xeta xoverdayîşî ya PKKyî afernaye ma şexsê înan de pêro şehîdanê têkoşînê azadîye bi rêzdarî û minetî yad kenê. Ruhê xoverdayîşî yê 14ê Temmuze şarê ma vera ci tim xo deyndar vîneno, têkoşînî xo rê sey wezîfe vîneno û cuye ra hende hes keno ke eşkeno oxirê ci de bimiro. Ma ruhê xoverdayîşî yê 14ê Temmuze û tewirê merdimîya azade yê Rayberîye selam kenê le 23 serrî yo binê sîstemê îşkenceyî yê Îmraliyî de yo. Ma soz danê ke koyanê Kurdîstanî de wayîrê nê ruh û tewirî vejîyê û xeta şehîdan de ver bi serkewtişî şorê.

Embaz Mazlûm Dogano ke kerraya hîşmendîye ya partîya ma afernaye û pê çalakîya xo ya tarîxîye Xoverdayîşê Zîndanê Amedî vist ta, 17ê gulana 1982î de bedenê Çaran de vurîya adirê azadîye yê pîlî. Pê xoverdayîşê 14ê Temmuze no tewir vera cuntaya tirkan ser kewt.  Nê xoverdayîşî ra dima partîya ma PKKyî 1982 de bire daye ke abigêro welat û welat de Hemleya 15ê Tebaxe daye destpêkerdene. Şarê Kurdîstanî yo ke 14ê Temmuze sey 'Roja Rûmetî' pêşwazî keno, ruhê Xoverdayîşê 14ê Temmuze xo rê kerd tradîsyonêk. Gerîlayê azadîye 37 serrî yo na xete ser o şer kenê. Senî ke 40 serrî ameybî kerdene nika ra pey zî no têkoşîn hîna zêde bêro kerdene, serkewtişê pîlî do bêrê destvistene û serkewtiş qetî do bêro caardene.

Têgêrayîş û xeta PKKyî yê ke 40 serrî yo hele bi hele têkoşîn kenê, ser kewenê, erjan afernenê û şarî danê qezençkerdene ewro hêrişanê pîlan reyde têrî yê. Hêzê hegemonîkî, dewletê neteweyî yê faşîstî û ajanê înan ê ke nêeşkê Komployê Neteweyî de armancê xo bivisnê destî nika armanc kenê ke têgêrayîşê azadîye tafîye bikerê û hêrişanê xoyê îdeolojîk, kulturel û leşkerîyan ra fek vera nêdê. Labelê Gerîlayê Azadîye yê Kurdîstanî zî îdeolojîya Apogîre, tewirê xoverdayoxî yê 14ê Temmuze, raştîya cuya PKKyî û xeta şarê şerî yê şorişgêrî ra qetî tawîz nêdanê. Xoverdayîşê Garê yê 10-14ê sibate rayberîya embaz Şoreş Beytuşşebabî de vurîya destanê serkewtişî, Xoverdayîşê Mamreşoyî yê 23ê nîsane-3ê gulane bi rayberîya fermandaran Serhat Giravî û Sarya Dîyar, Xoverdayîşê Aris Farisî yê 6-8ê gulane bi rayberîya fermandaran Dîyana Marîa û Amara Cûdî,  şerê gerîlayan ê Heftanîn, Xakurkê, Avaşîn, Zap, Metîna û temamîya Vakurî îsbatê tewr pîlî yê ke mojnenê Ruhê 14ê Temmuze ser keweno.

Nê embazanê ma yê ercîyayeyan pê tewirê xo yê merdimîye sey sembolî tarîx de cayê xo girewt. Ma sozê xo dibare kenê ke serê rêçê înan de şorê, têkoşînê fîrazî yê ameyoxî, demokrasî, têdûştîye, azadîye yê şaranê herême û şarê Kurdîstanî ser bivisnê û nê çêran bivurnê bêmergan. Nameyê Gerîlayanê Azadîye yê Kurdîstanî ser o ma pê bawer û qerardar ê ke alaya xoverdayîşî ya şehîdan pê serkewtişê Şorişê Azadîye yê Kurdîstanî tacîdar bikerê. Pê bawerîya serkewtişî ma şarê xo yê welatperwerî selam kenê.''