Fermandarîya Qerargehê Merkezê Pawitişê Şarî (MPŞ) bi wesîleya serrgêra 40. ya Xoverdayîşê Rojeyê Mergî yê Pîlî yê 14ê Temmuze eşkerayîyêka nuştekîye daye.

Eşkerayîye wina ya:

''Bi destpêkerdişê serra 41. ya Xoverdayîşê Rojeyê Mergî yê Pîlî yê 14ê Temmuze şexsê Mehmet Hayrî Dûrmûş, Kemal Pîr, Akîf Yilmaz û Alî Çîçekî de ma pêro şehîdanê xo bi rêzdarî û minetî yad kenê. Ma xeta xoverdayîş û hişmendîya ke morê xo da 40 serranê peyênan a partîya ma, ruhê têkoşînî awab kerdo û tewirê Rayber Apoyî yê vera sîstemê îkenceyî yê Îmraliyî dîyar kerdo, selam kenê. Ma sozê xo dibare kenê ke na xete û tewirî, nê ruhî sere de koyanê Kurdîstanî de her ca de bidê ciwîyayene û ver bi serkewtişî şorê.

Çalakîya Xoverdayîşê Rojeyê Mergî yê Pîlî yê 14ê Temmuze tarîxê ma yê têkoşînî de bîye mîladêk. No tewir, qerardarî, xoverdayîş û vateyê kadroyanê verênan ê PKKyî rayîrê têkoşînê ma eşkera kerd û karakterê têkoşînî îfade kerd. Çalakîya 14ê Temmuze krîterê tewrbîyayîşê raştî yê têkoşînê Apogîrî, metod û hişmendîya mesuldarîye zî mojnaye. Ruhê bawerî û serfîrazîya ke xeta Apogîre û serfîrazîya ci qetî do ser bikewê, bi hişmendîya têkoşînê netîcegîrî, Zîndanê Amedî ra pêl bi pêlî vilayê pêro Kurdîstanî bîyo. Hişmendîya têkoşînê raşt û netîcegîrî vurîyaye têgêrayîşêkê pîlî, hêzê têkoşînê çekdarî, serewedaritiş û raştîya şarî ver bi serfîrazîye ver bi şina.

Hêzê hegemonîkî yê dişmenî  vera şarê kurdan teda, zulm, înkar û îmha ferz kenê. Têgêrayîşê Azadîye zî bi hişmendîya 14ê Temmuze, tewirê xoverdayîş û terzê şerê fedayîyî bi îsbatê raştîya serfîrazîye ya ruhê 14ê Temmuze. Nê esasî ser o ruhê 14ê Temmuze vurîya tradîsyonê têkoşînî û bi şîarê 'teknîko tewr pîl merdim o' mîyanê gerîlayan de ciwîyeno. Ma key bi na hişmendîye şer kenê destê dişmenî hetê teknîkî ra çend xurt bibo zî îsbat bîyo ke serfîrazîye mumkîn a. Na raştîye şexsê şehîdanê serkêşan Rohat, Şevîn, Eylem, Viyan, Mizgîn, Şaristan, Nalîn, Hêzil, Siyabend, Binevş, Bager, Avzêm, Ozgur, Zemanî û Dîdare de û şexsê pêro şehîdan de bi hawayêkê gandarî eşkera bîya.

Ma sozê xo dibare kenê ke serê rêçê şehîdanê xo yê Xoverdayîşê 14ê Temmuze de şorê ke ê pê tewirê rûmetên û pîlî bîyî sembol. Ma do têkoşînê xo yê azadîye û estbîyayîşî bi serkewtişî tacîdar bikerê û armancê şehîdan bîyarê ca. Ma şarê xo yê welatperwerî bi bawerîya serfîrazîye selam kenê.''