Fermandarîya Qerargehê Merkezê Pawitişî yê Şarî (MPŞ), bi wesîleya çalakîya hemverê Qereqolê Bêzokê, peyamêkê pîrozkerdişî Fermandarîya Eyaletê Avaşînî rê şirawit.

Peyam wina yo:

“Çalakîya ke hêzanê şima yê eyaletî çarçewaya Hemleya Şorişgêre ya Şehîd Bager-Şehîde Ronya de roja 4’ê Gulane saet 14:10 de hemverê asayîşê Qereqolê Bêzokê de viraşta, çalakîyêka serkewtî û netîcegirewtox a. Na çalaki çarçewaya perspektîfê newe ra awanbîyayîşî de goreyê metodê çalakîye çalakîyêka serewextê newî ya. Ma heme hemrayanê ke tewrê çalakîye bîyê û fermandarîya şima zerrî ra pîroz kenê. Plankerdiş û bicaardişê çalakîye bi cesaret û afernayoxîyêka xurte dir bîyî yew û bi nê hawayî netîce girewt. Na çalakîya operasyonîye ya şorişgêre de ke mîyanê roje de virazîyaye, bê ke vînîbîyayîşêk virazîyo şîyê serê cenazeyanê dişmenî, 5 sîlehê ferdî yê G3’yî û sîlehêkê BKC’î, bi pêroyî 6 sîlehî û malzemeyê nê sîlehan ameyê destsernayene. Bil eze û tempoyêkê berzî mîyanê 5 deqeyan de bê ke vînîbîyayîş yan zî birandarî virazîyê, meterîsê dişmenî ameyê rijnayene. No performans ramojneno ke gama ruhê fedaî yê Apoyîyî afernayoxîya taktîkîye dir bireso pê do netîceyêko senî bigêro.

Wezaretê Pawitişî yê Milî yê Tirkî sey her reye, seba ke tengizîyayîşê xo yê hemverê çalakîye binimno û metodê rijnayîşî û ruhê hêrişî yê berzî yê gerîlayî hetê cimatî ra nêro dîyayene, bi vatişê ‘Netîceyê hêrişê hewanî de yo ke Vakurê Iraqî de ameyo kerdene, vînîbîyayîşî virazîyayê’ reyna halê xo yê zurekerî ramot. Labelê ê se kenê wa bikerê do nêeşkê hemverê atmosferê şorişgêrî yo ke bi pirodayîşê biheybetî yê gerîlayî vejîyayo werte binimnê, do nêeşkê emrê îqtîdarê xo ye faşîstî derg bikerê.

Ma hemrayanê Apoyîyan ê fedaîyan ê ke tewrê na çalakîye bîyê û çalakîye bi hawayêkê afernayoxî viraştê reyna pîroz kenê, înan rê serkewtiş wazenê. Şexsê şima de heme hêzanê eyaletî bi heskerdiş û hurmet silam kenê. Bi hîsanê şorişgêran ê zerrî ra maş ima heminan rê serkewtiş wazenê.”