Muracatê MHP’yî yê Îdirî ame redkerdene
Muracatê namzedê MHP’yî yê Şaredarîya Îdirî Îsa Yaşar Tezelî yo ke seba betalkerdişê weçînitişanê cayîyan ê Îdirî kerdibi hetê Heyetê Weçînitişî yê Bajarî ra ame redkerdene.
MHP verê çend rojan hemverê netîceyanê weçînitişî yê Îdirî vejîyabi û îtîrazê înan amebi qebûlkerdene. Heyetê Weçînitişî yê Qeza qerar dabi ke rayê ke 70 sindoqan de yê newe ra bêrê hûmaritene.
Netîceyê hûmaritişî de goreyê netîceyanê ke fermî nêyê namzedê HDP’yî yê Îdirî Yaşar Akkûşî 22 hezar û 268 rayî, namzedê MHP’yî Tezelî zî 20 hezar û 733 rayî girewtîbî.
