Her serre hetê Şubeyê Egitim-Senî yê Amedî ra musabeqaya hîkayeyan a bi kurdkî (kirkdî û kurmanckî) û tirkî nîyena ro. 

Emser zî Muracatê seba Musabeqaya Hîkayeyan a Abdullah Duranî ya 12. dest pêkerd. Kesê ke wazenê beşdarê musaneqa bibê eşkenê hetê 31ê kanûna 2020î hîkayeya xo bierşawê musabeqa.

Çarçewa musabeqa de hîkayeya yewîne xelata pereyan a 2 hezar TL bigêra, hîkayeya diyîne 1500 hezar TL bigêra û hîkayeya hîrêyîne zî hezar TL bigêra. Xelata mansîyone zî do bêra dayene hîkayeyanê 4., 5. û 6.

Şertê musabeqa wina yê:

-Hîkayeyî do warê xebitnayîşê ziwan, edebîyat, pêarde û erjê merdimîye de bêrê ercnayene

-Hetê babete ra beşdarî azad ê.

-Ganî hîkayeyî bi ziwanêkê zelal û asanî bêrê nuştene û bi rayîrê înternetî bêrê erşawitene.

-Hîkayeyê ke do bierşawîyeyê musabeqa, do bibê malê Egitim-Senî. Heqê Egitim-Senî esto ke nê hîkayeyan çap bikero.

-Hîkayeyê ke do xelate bigêrê, do goreyê îmkanan çap bibê û bêpere bêrê vilakerdene.

-Hîkayeyan de hûmara rîpelan sînorkerde nîya labelê hîkayeyî ganî goreyê formatê ci bibê.

-Her beşdar/e eşkeno/e têna yew dîyalektîk û ziwanê de beşdarê/a musabeqa bibo/a.

-Ganî hîkayeyî verê cû nêameybî çapkerdene.

-Seba ke hîkayeyî bêrê ercnayene ganî her beşî rê tewr tay 10 hîkayeyî muracat bikerê.

-Netîceyê musabeqa do 17ê adara 2021î de bêrê eşkerakerdene û merasîmê xelatan 28ê adara 2021î de do bêro kerdene.

Têkilî û muracat: [email protected]